“Azərbaycanda sürücələrin sürücülük bacarığı çox zəifdir və yol hərəkəti qaydalarını bilməyənlərin sayı həddindən artıq çoxdur”.
Bu fikirləri nəqliyyat eksperti Eldəniz Cəfərov Ednesw-a açıqlamasında bildirib.
Daha sonra o qeyd edib ki, başlıca səbəblər arasında sürücü səhvləri, yolların və nəqliyyat nöqtələrinin infrastruktur problemləri, sürət nəzarəti pozuntuları, alkoqol və digər narkotik müxtəlifliklər, ilkin sürücü təhsili, və təhlükəsizlik tədbirlərinin yerinə yetirilməməsi sayıla bilər:
“Nəqliyyat qəzalarının qarşısını almaq üçün ilk öncə ibtidaidən başlamaq lazımdır.
Sürücülük kursları bu gün formal xarakterli fəaliyyət göstərməməlidir. Biz bilirik ki, sürücülük kursları əsasən Bakı, Gəncə və Sumqayıt kimi şəhərlərdə normala yaxın fəaliyyət göstərir.
Digər regionlarda isə bu formaldır. Sürücülük kursu təşkil edənlərin belə doğru-düzgün sürücülüklə bağlı bacarıqları yoxdur. Baş verən qəzaların birincisi, yol hərəkəti qaydalarının bilərəkdən pozulmasıdır.
Sürət həddini aşan, manevr qaydalarını pozan, dönmə əməliyyatı edən zaman dönmə işıqlarını yandırmayan sürücülərlə kəskin mübarizə aparmaq lazımdır. Hazırda bizdə bu mübarizə yalnız cərimə şəklindədir.
Tənbeh kimi yalnız cərimə əsas olunur.
Düşünürəm ki, cərimə və sürücülük vəsiqəsinə stop qoyulmaqla yanaşı qəza törədən şəxslərə maarifləndirmə keçirilməlidir.
Maarifləndirmə deyərkən yalnız kurslarda və ya instutlarda göstərilən tədbirləri nəzərdə tutmuram”.
Ekspert əlavə olaraq qeyd edib ki,müvafiq orqanlar dəfələrlə eyni qaydanı pozan fərdlərlər ciddi şəkildə məşğul olmalıdır:
“Əsasən sürət həddini bilərəkdən aşanlar,təxminən 21 km-dən çox sürət həddini qorumayanlar, manevr xəttlərini dəfələrlə pozanlar və s. Bu şəxslərin sürücülük vəsiqələri ləğv edilməlidir.
Daha sonra yol infrasturklarının yenilənməsi və müasir standartlara cavab verməsi üzərində işlərin aparılması əsas məsələlərdən biridir. Mən şəxsən Azərbaycanda yolların sürət həddinin endirilməsini dəstəkləyirəm Bakı şəhəri çərçivəsində bəzi küçələrdə sürət həddi endirilib.
Ümumiyyətlə qəza ocağı olan ərazilərdə sürət həddi endirilməlidir. Daha sonra tunellərin işıqlandırılması bağlı işlər görülməlidir. Sadalanan bu qaydalara əməl olunsa avtomobil qəzalarının statistikası ciddi şəkildə enə bilər”.
Xəyal Ramiz
