"ABŞ, Azərbaycan və Ermənistan arasında sülh müqaviləsinin təmin edilməsində qərəzsiz rol oynamaq fürsətini əldən verib"

Bu sözləri Ednews – a açıqlamasında siyasi ekspert, Azərbaycan - ABŞ İqtisadiyyat və Təhsil Şurasının baş direktoru və təsisçisi, BAMF-ın ABŞ-dakı nümayəndəsi Piter Teys söyləyib. Onun fikirlərinə görə Ceyms O'Brayen - in son çıxışları Vaşintqtonun Azərbaycan və Avropa dövlətləri ilə sahib olduğu əlaqələrə zərər verir.

"ABŞ dövlət katibinin köməkçisi Ceyms O'Brayen, Cənubi Qafqaz regionunda tam miqyaslı silahlı münaqişəyə təkan verən, Azərbaycan və Avropadakı digər dövlətlərin iqtisadi əməkdaşlığına və rifahına zərər verən bir davranış nümayiş etdirir. Bayden - Harris Administrasiyası Yaxın Şərqdə və Cənub-Qərbi Asiyanın bəzi bölgələrində terror təşkilatlarını cəsarətləndirməkdə davam edir və bu kontekstdə Vaşinqton “böyük Ermənistan”a nail olmaq üçün öz iyrənc məqsədlərini həyata keçirməyə can atan erməni şər əməllərini dəstəkləməkdən utanmır". 

O, əlavə edərək:

"Vaşinqtondakı erməni lobbi təşkilatları informasiya müharibəsində bütün əxlaqsızlıq və çirkin təcrübələrdən istifadə edərək, Ceyms O'Brayen kimi rəsmilərdən istifadə edərək yalan məlumatlar əsasında Ermənistanın xeyrinə bəyanatlar verməyə inandırırlar. Dövlət Departamentində Sanksiya Siyasətinin rəhbəri kimi, cənab O'Brayen, Şərqi Avropada müharibə aparan ölkələrin ərazi bütövlüyünün xeyrinə və sanksiyalar vasitəsilə İslam Dövləti terrorçularının yayılmasının qarşısını almaq naminə nəzərəçarpacaq nəticələrə nail ola bilməyib", - deyib. 

Ekspert bu cür çıxışların regionda ABŞ - ın mövqeyinə xələl gətirəcəyini də söyləyib:

"Düşünürəm ki, heç bir xalq ermənilər kimi özünün iqtisadi və siyasi rifahının yüksəlməsinə şərait yarada biləcək belə bir sülh fürsətindən imtina etsin. Azərbaycan Respublikası dərin məqsədyönlü diplomatiya həyata keçirib. Ağ Ev və Avropa İttifaqı Avrasiya dövlətlərinin iqtisadi inteqrasiyasına böyük fayda verəcək Zəngəzur dəhlizinə nail olmaq üçün Bakının çox haqlı tələbinə dəfələrlə məhəl qoymayıb. Vaşinqton Azərbaycan və Ermənistan arasında sülh müqaviləsinin təmin edilməsində qərəzsiz rol oynamaq fürsətini əldən verib, hər şeydən əvvəl hazırkı administrasiya Azərbaycan xalqının çoxsaylı fədakarlıqları ilə əldə etdiyi təhlükəsizlik vəziyyətinə qarşı anlaşılmaz ritorikası ilə zərər vurur". 

"Bəs son günlərdə Bakı və Tehran arasında münasibətlərin bərpası ABŞ - ın bu cür mövqe tutmasına səbəb olmuş ola bilərmi?", sualına ekspert cavab olaraq, Vaşinqton bu prosesləri qınamaq əvəzinə əksinə alqışamalı idi söyləyib.

"Bakı ilə Tehran arasında münasibətlərin normallaşması ABŞ Dövlət Departamenti tərəfindən pislənmək yerinə əksində alqışlanmalı idi. Belə ki, İranla münasibətlərin bərpasına eyni ofisə milyardlarla ABŞ dollarının ayrılması, Tehran hökumətinə sərf etməsinə şərait yaradıb. Bakıya – Tehran münasibətlərinin normallaşmasına qarşı çıxmaq Vaşinqton üçün olduqca yersizdir.

Dövlət katibinin köməkçisi O’Brayen Vaşinqton, Azərbaycan və Türkiyə arasında mövcud Avropa tərəfdaşları arasında praqmatik ikitərəfli ittifaqlar mədəniyyətinə xələl gətirmək üçün mümkün olan hər şeyi edir. Erməni təcavüzkar revanşizmini kor-koranə müdafiə edən cənab O'Brayen və ABŞ Konqresinin üzvləri başa düşmürlər ki, biz, qanun aliliyinin aşağı düşdüyü, qlobal miqyasda texnoloji mürəkkəbliyin hökm sürdüyü və Çinin potensial supergüc kimi meydana çıxdığı bir II Soyuq Müharibə şəraitində yaşayırıq. Ələxsus belə şəraitdə Vaşinqtona lazım olan isə Azərbaycan, Türkiyə və ümumi olaraq Türk Dövlətləri Təşkilatı ilə əməkdaşlığın sıx olmasına çalışmaq olmalıdır".

Əkbər Novruz