Kommunist Partiyasının lideri Gennadi Zyuqanov bildirib ki, “Məndə olan məlumata görə, Federasiya Şurası dekabrın 13-də prezident seçkiləri kampaniyasının başladığını rəsmən elan edəcək”.
Seçki qanunvericiliyinə görə, Rusiya Federasiyasında prezident seçkiləri 2024-cü ilin mart ayının ortalarında keçirilməlidir.
Rusiya seçkilərinə gün keçdikcə yaxınlaşırıq. Bəs Qərb Putini devirməyə çalışacaqmı? Rusiyada inqilab təhlükəsi var, yoxsa dinc seçkilər olacaq? Yeri gəlmişkən, Rusiya liderinin imzaladığı sənəddə o, Mərkəzi Seçki Komissiyasına seçkiləri təxirə salmaq səlahiyyəti verib. Bu o deməkdir ki, gələn il seçki olmaya bilər.
Rusiyalı ekspert Vitali Arkov Ednews – a verdiyi açıqlamasında hələlik bununla bağlı rəsmi xəbər olmadığını və Rusiyada Putin - ə rəqib olmadığını deyib:
“Rusiyada prezident seçkiləri hələ rəsmi olaraq elan edilməyib. Bu il Rusiya Konstitusiyasının 30-cu ildönümüdür və mən istisna etməzdim ki, mühüm qərar 12 dekabr 2023-cü ilə təsadüf edəcək. Rusiyada prezident seçkilərinin böyük ehtimalla qrafikə uyğun, namizədlərin aşkarlanması, ölkə daxilində vəziyyətin nəzarəti çərçivəsində aparılır. Kremldə bir sıra hadisələr pərdəarxası xarakter daşıyır və ictimaiyyətə açıqlanmır. Həqiqətən də, Rusiya vətəndaşlarının böyük əksəriyyəti dərk edir ki, bu gün siyasi arenada Vladimir Putin-lə müqayisə oluna bilənəcək heç kim yoxdur. Bəli, parlaq siyasətçilər, güclü hökumət rəhbərləri var, lakin onların əksəriyyəti “Ay” kimidir, onun parlaqlığı öz parıltısından deyil, Günəşdən gələn işığın əks olunmasından qaynaqlanır. Müasir Rusiya siyasətində də həqiqətən belədir”.
Ekspert hesab edir ki, Qərb Putinə qarşı heç nə edə bilməz və onun tətbiq etməyə çalışdığı sanksiyalar da buna nümunədir.
“Hazırda heç misli görülməmiş səviyyədə bir “Kollektiv Qərb” ilə üz – üzəyik. Soyuq Müharibədəki Qərb ilə arasında qat – qat fərq var. Qərbin məqsədlərindən biri də Rusiya rəhbərliyini ABŞ və onun peykləri üçün faydalı istiqamətdə dəyişməkdir. Lakin bu, praktiki olaraq qeyri-mümkün görünür. Vladimir Putin artıq yaşlandığını görür və anlayır. Ona görə də, o, öz siyasi kursunu Rusiyada var etmək üçün öz postunu etibarlı əllərə buraxacaq. Putin Rusiyanın artıq ümumilli lideridir. Xalqını onu hər zaman dəstəkləyəcək. Ortastatistik rus xalqını qətiyyən sadəlövh, məlumatsız bilməyin. Onlar Qərbin bu ölkəyə etmək istədiklərini görürlər.
ABŞ və onun əlaltılarının Rusiyanı blokadaya almaq və məğlub etmək planları tam fiasko idi. Rusiya təcrid olunmuş vəziyyətdə deyil. Əksinə, Rusiya öndədir, o, ədalət əsasında qlobalizmin yenidən başlamasının, çoxqütblü dünya, bərabər imkanlar cəmiyyətinin tərəfdarı olan çoxluğun liderlərindən biridir".
Əkbər Novruz
