Azərbaycanda siqaretin qiyməti 0,2 - 0,5 manat bahalaşıb. Bununla yanaşı alkoqollu  içki  qiymətində də artış görünür. Digər  ölkələrə nisbətdə Azərbaycan da qiymətlərin aşağı  olmasına rəğmən son 1 ildə 3 dəfədən çox qiymət  artımı olub və  bunun əsas səbəbi  nədir? Qitmət artımlarının daxili bazara və dövlətin sosial siyasətinə necə təsir edir? 

Məsələ ilə bağlı Azad İstehlakçılar Birliyinin sədri Eyyub Hüseynov Ednews-a açıqlaması zamanı bildirib ki, alkoqollu içkilərin və siqaret qiymətlərinin aksiz dərəcəsi vergi baxımından artılırıbsa bu dövlət tərəfindən, yox əgər bazarın öz tələb-təyin aksiyomunun dəyişdiyi üçün artırsa deməli bu başqa bir məsələdir: 

“Biz Azad İstehlak Birliyi olaraq tütün məlumatlarının artırılmasının tərəfdarıyıq. Çünki tütün məmulatlarından istifadə sürətlə artır və insan sağlamlığına ciddi təsir edir. Bu azmış kimi ciddi şəkildə ölkədə tütün qaçaqmalçılığı müşaidə olunur. Baxmayaraq ki, tütün məmulatlarının satışı və istehlakı haqqında dəfələrlə qanun dəyişikliyi olub, lakin hələ də siqaretlərin tək-tək satışı davam edir. Son 10 ildə dövlət tütün istehsalını 10 faiz azaltmağı qarşısına qoymuşdu.

Lakin buna nail ola bilmədi.  Qeyd edək ki, qaçaqmalçılıq ilə istifadə olunan tütün insan sağlamlığı üçün daha risklidir. 2017-ci ilin məlumatlarına görə təkcə qaçaqmalçılıq ilə tütün məmulatlarından Azərbaycan büdcəsinə 20 milyon dollar zərər gəlib. Təbii ki, belə bir fonda tütün məlumatlara əlçatanlığı azaltmaq üçün qiymətlərin qaldırılmasını dəstəkləyirik”. 
Sədr əlavə olaraq qeyd edib ki, içki bazarında olan vəziyyət hazırda xeyli xaotikdir:

“Bir neçə il öncə DİN-nin Baş Mütəşəkkil Cinayətlərə Qarşı Mübarizə İdarəsi məsələ ilə bağlı tədbirlər gördü.

Məlum oldu ki, ən bahalı brend içkilər ən bahalı restoranlarda satılır.

Hansı ki, onlar naməlum kimyəvi maddələrlə qablaşdırılan spirtli içkilərdir. Belə bir şəraitdə ciddi dönüşlərin aparılması vacibdir. Ümumiyyətlə spirtli içkilərə də əlçatanlıq azaldılsa heç də pis olmaz”. 

Xəyal Ramiz