Rusiya prezidenti Vladimir Putinin Türkiyəyə səfəri qeyri-müəyyən müddətə təxirə salınıb. Qeyd edilir ki, iki dövlət başçısı arasında görüş yaxın zamanlarda planlaşdırılmışdı. Görüşün baş tutmamasının əsas səbəbi nədir? Putinin Türkiyə səfəri niyə reallaşmadı?
Məsələ ilə bağlı türkiyəli politoloq İsmayıl Cingöz Ednews-a açıqlamasında bildirib ki, Rusiya prezidenti Putinin Türkiyəyə səfəri ilə bağlı verilən açıqlamlarda aprelin sonu, mayın əvvəli nəzərdə tutulduğu üçün onun tamamilə ləğv olunmadığı düşünülür:
“Bu təxirə salmanın Türkiyədə olan ağır seçki prosesi, Ərdoğanın iş proqramının çox olması ilə bağlı olduğu ilə əlaqələndirilir.
Eyni zamanda Rusiyada da seçimlər olduğu üçün hazırki zamanın iki ölkə üçün görüşlərin olması uyğun deyil. Bunun əsasən iki ölkə arasındakı münasibətlərin gərginləşməsi kimi qələmə vermək doğru sayılmır.
Son dönəmlərdə Rusiya və Türkiyə arasında mərhələli şəkildə yüksək əməkdaşlıq olub.
Əsasən də iki qütblü dünya sistemindən ərəb baharının başlanğıcında iki ölkə arasında münasibətlər gərginləşsə də, ABŞ və Avropa İttifaqının Türkiyəni təcrid etməsi Türkiyənin alternativ kimi Rusiya ilə yaxınlaşmasına səbəb olub. Vacib olaraq dəyərləndirməliyik ki, son zamanlar Rusiya ilə Türkiyə stratejik müttəfiq kimi hərəkət etdikləri nəzərə çarpır”.
Politoloq qeyd edib ki, həmçinin müttəfiqlik Rusiyanın mənafelərinə də uyğun gəlir:
“Hər tərəfdən blokadaya alınan Rusiya Türkiyəni açıq qapı kimi görür. Ukrayna müharibəsinə görə Qərbdən ağır sanksiyalara məruz qalan və beynəlxalq cəmiyyətin bir çox sektorunda problemlər yaşayan Rusiyanın dünya ilə olan bağlantısı Türkiyə üzərindən davam etməkdədir.
Tarixdə heç olmadı qədər hazırda Rusiya və Türkiyə bir-birinə yaxındır. Buna görə də iki ölkə arasında hər hansı gərginləşmənin olmadığını vurğulamaq istəyirəm. Həmçinin Türkiyə üçün də iqtisadi baxımından Rusiya önəmli ölkədir. Hər iki ölkə əsasən regional baxımda bir çox tərəfdaşlıq edir.
Ukrayna müharibəsində Avropanın gözünü tuşladığı bir dövrdə Türkiyənin neytral mövqedə dayandığı ölkənin siyasi uğurlarından biri kimi hesab edilir.
Çünki ABŞ bu ərazilərdə gəldi-gedərdi, lakin Rusiya ilə Türkiyə həmişə qonşu olaraq qalacaq”.
Xəyal Ramiz