İranın Ermənistandakı səfiri Mehdi Sübhani etiraf edib ki, Hindistandan İrəvana daşınan silahlar ölkəsi üzərindən ötürülüb. O, həmçinin Tehranın Ermənistanın güclənməsində maraqlı və yardıma hazır olduğunu, bunu da bölgədə hərbi balansın təmin edilməsi üçün istədiyini deyib. Hindistanın Ermənistanı silahlarla təchiz edilməsi hansı maraqlara xidmət edir?

Məsələ ilə bağlı politoloq Zərdüşt Əlizadə Ednews-a açıqlaması zamanı qeyd edib ki, Ermənistanın İran üzərindən Hindistandan silah almağı qanun pozuntusu olmadığı halda normaldır: 

“BMT əsasnamələrinə görə hər bir ölkənin öz ordusunu gücləndirmək hüququ var.

Ermənistanın regionda silahlanmaqla qüvvələr balansı pozmaq kimi imkanı yoxdur. Düşünürəm ki, hazırki hakiməyyətin buna iqtidarı yoxdur, həmçinin, buna ehtiyac da yoxdur. Ordunun gücləndirilməsi o demək deyilki, bizə hücum edəcəklər.

Silah satmağa gəldikdə isə Azərbaycanın Pakistanla olan yaxınlığı və Pakistan-Hindistan arasında olan Kəşmir problemi Hindistan ilə Ermənistanı bir-birinə yaxınlaşdırır.  

Eyni zamanda Hindistanla ölkəmiz arasında heç bir problem yoxdur. Təbii olaraq Hindistanın Ermənistana silah satması və ölkəmizin Pakistanla olan yaxınlığı münasibətləri soyuda bilər, amma böyük bir problem kimi işıqlandırılmamalıdır.

Ermənistan müharibədə məğlub olublar və sülhdən başqa çıxış yolları yoxdur. Paşinyan artıq bunları anlayıb həm region üçün həm də Ermənistanın suverenliyi üçün sülhün olması vacibdir. Həmçinin revanş axtarmaq hər şeyi yalnız korlaya bilər”. 

Politoloq bildirib ki, Beynəlxalq konvensiyalara əsasən silah ticarəti etmək müstəqildir və bu ticarətin İran üzərindən aparılmasında da problem yoxdur:

“Yəni bu sferada problem axtarmağa ehtiyac yoxdur. Buna görədə biz bir-birimizə düşmən mövqeyindən çıxış etməməliyik Azərbaycan öz müstəqilliyini bərpa edib və Qarabağda Azərbaycan ordusu dayanıb”. 

Xəyal Ramiz