Bu gün Xalq yazıçısı, Azərbaycan Yazıçılar Birliyinin (AYB) sədri Anarın doğum günüdür. Onun 86 yaşı tamam olur.

Ednews və Beynəlxalq Avrasiya Mətbuat Fondu adından Anar müəllimi təbrik edir, ona can sağlığı, yaradıcılıq uğurları arzulayırıq. Bu münasibətlə Xalq yazıçısı ilə ad günü müsahibəsini təqdim edirik:

- Anar müəllim, doğum gününüzü təbrik edirik. Bu xüsusi gündə özünüzü necə hiss edirsiniz?

- Təşəkkür edirəm, çox sağolun. Hər şey yaxşıdır. Özümü çox yaxşı, əla hiss edirəm. 

- Yeni yaşınızda gözləntiləriniz nələrdir?

- Gözləntilərim yeni yazılarımdır. Gözləyirəm ki, yeni yaşımda da yeni yazılar yazım.  Yaradıcılıq planlarım var. Müxtəlif janrlarda olan əsərlərlə bağlı planlarım mövcuddur.

- Sizi ilk kim təbrik etdi?

- Həyat yoldaşım. 

- Doğum gününü necə qeyd etməyi planlaşdırırsınız?

- Xüsusi bir tədbir olmayacaq. Evdə ailəmlə keçirdəcəm. Balallarım, nəvələrimlə ad günümü qeyd edəcəm. 

- Son olaraq ad gününüz münasibəti ilə oxucularınıza nələr söyləmək istərdiniz?

- Oxuculara xoşbəxtlik və xoş günlər diləyirəm. Onlara məsləhət edirəm ki, çoxlu kitab oxusunlar. 

Qeyd edək ki, Xalq yazıçısı Anar Rzayev 1938-ci ildə anadan olub. Atası Xalq Şairi Rəsul Rza, anası Xalq Şairi Nigar Rəfibəylidir. O, 1945-ci ildə 10 illik musiqi məktəbinə (indiki Bülbül adına məktəb) daxil olub və həmin məktəbi 1955-ci ildə gümüş medalla bitirib.

Yazıçı 1955-ci ildə Azərbaycan Dövlət Universitetinin filologiya fakültəsinə daxil olub. 1987-ci ildən isə Azərbaycan Yazıçılar Birliyinin sədridir. 1998-ci il martın 14-də 60 yaşı münasibətilə ölkənin ən yüksək mükafatı, “İstiqlal” ordeni ilə təltif edilib. 1998-ci ildə “Xalq Yazıçısı” fəxri adına layiq görülüb. 

Söhbətləşdi: Oğuz