Xəbər verdiyimiz kimi, Azərbaycan prezidenti İlham Əliyev Çinin Avropa məsələləri üzrə xüsusi nümayəndəsi cənab Vu Honqbonu qəbul edib. Görüşdə Vu Honqbo Azərbaycan-Çin münasibətlərində qarşılıqlı etimada əsaslanan inkişafı vurğulayaraq, ikitərəfli münasibətlərin olduqca yüksək səviyyədə olduğunu qeyd edib. O, Çinin həm Orta Dəhlizi, həm də “Bir Kəmər, Bir Yol” layihəsinin bir hissəsi kimi Azərbaycan-Çin əməkdaşlığını ölkəsi üçün həyati əhəmiyyət kəsb etdiyini vurğulayıb. Prezident İlham Əliyev də hər iki layihnin strateji əhəmiyyətini vurğulayıb.
Bəs “Bir kəmər, Bir yol” layihəsi çərçivəsində Azərbaycan-Çin əməkdaşlığı ölkəmizə hansı faydalar verə bilər?
Pakistan-Azərbaycan Məzunları Assosiasiyasının prezidenti, həmçinin Dayanıqlı İnkişaf üçün Bir Kəmər və Yol Təşəbbüsünün (BRISD) prezidenti Kayser Navab Ednews-a açıqlamasında bu layihə çərçivəsində Zəngəzur dəhlizi və COP29 kimi əlamətdar təşəbbüslərin önəmini vurğulayıb.
“Bir Kəmər, Bir Yol” layihəsi çərçivəsində Azərbaycan-Çin əməkdaşlığı, xüsusən də əlaqələrin genişləndirilməsi və iqtisadi inkişafın təşviqi baxımından Azərbaycan üçün əhəmiyyətli faydalar verir. Azərbaycanı Naxçıvan eksklavı ilə birləşdirən Zəngəzur dəhlizi ticarət və nəqliyyat üçün strateji marşrut yaratmaqla bu üstünlükləri daha da artırır. Bu dəhliz Azərbaycanın daşıma variantlarını şaxələndirməklə yanaşı, həm də Avropa və Asiya arasında əsas tranzit qovşağı kimi mövqeyini möhkəmləndirir, bununla da investisiyaları cəlb edir, mal və xidmətlərin axınını asanlaşdırır. Bundan əlavə, Çinin “Bir Kəmər, Bir Yol” təşəbbüsünə qoşulmaq, Azərbaycan iqtisadiyyatının müxtəlif sektorlarında artımı stimullaşdıraraq Çin bazarlarına və investisiyalarına çıxış əldə etmək niyyətindədir. Bütövlükdə, Azərbaycan və Çin arasındakı əməkdaşlıq ikitərəfli əlaqələri gücləndirməklə yanaşı, regional sabitliyə və rifaha da töhfə verir.
Həmçinin Bakının COP-29-a ev sahibliyi etməsi ilə Çin və Azərbaycan arasında iqlim dəyişikliyi təşəbbüsləri üzrə əməkdaşlıq üçün unikal imkanı da yaranıb. İqlim dəyişikliyi səylərində Çinin irəliləyişləri Azərbaycanın öz davamlılıq məqsədlərinə dair dəyərli fikirlər və dəstək təklif edə bilər. Maraqların ortaq nöqtədə olması təkcə onların münasibətlərini gücləndirmir, həm də strateji əməkdaşlıq və dialoq vasitəsilə iqlim dəyişikliyi kimi qlobal problemlərin həllinə dair ümumi öhdəliklərini də toxunur".
Əkbər Novruz