Paşinyan Ermənistanı nizamsız dünyada rəqabətədavamlı etmək üçün daxili və xarici siyasətdə transformasiyalar edilməli olduğunu vurğulayıb. Ermənistanın uzunmüddətli institusional inkişafına nail olmaq üçün yeni siyasətimiz qəbul olunmalıdır. Paşinyan bildirib ki, “tarixi Ermənistan” və “real Ermənistan” arasında seçim etməliyik.

Məni narahat edən məqam odur ki, bir çox hallarda “tarixi Ermənistan” anlayışı əsas motivasiyamız olur”.

Paşinyanın çıxışları həqiqətdir? Paşinyan Ermənistan üçün doğru siyasətçidir?

Məsələ ilə bağlı politoloq Turab Rzayev Ednews-a açıqlaması zamanı qeyd edib ki, Nikol Paşinyan Ermənistan üçün reallığı ifadə edib

“Uzun müddətdir əsas reallıq, onların mövcud dünyanın sərhədlərini və mövcud siyasi sistemi dərk etməsi idi. Uzun illərdi şovinist, milliyətçi yetişdirilən Ermənistan cəmiyyəti Gürcüstandan Cavaxetyanı, Azərbaycandan Qarabağı, Türkiyədən isə bəzi əraziləri “Böyük Ermənistan” xülyası tərkibində birləşdirə biləcəklərini düşünürdülər. Lakin Paşinyan erməniləri bu yuxudan oyandırdı.

Ermənistanın qonşu dövlətləri başda Azərbaycan olmaqla “Böyük Ermənistan” xülyasını ciddiyə almır. Çünki bunun üçün heç bir real resurs və imkan yoxdur. Paşinyan həmçinin erməni xalqını mifik erməni nağıllarından uzaqlaşmağa çağırır.

Ermənistan hazırda 2 milyon əhalisi, 29 min kv2 ərazisi və kövrək iqtisadiyyata malik ölkədir”.
Politoloq vurğulayır ki, indiki zamanda Ermənistan üçün ən uğurlu siyasət region və sərhəd ölkələri ilə sülhü təmin etmək və iqtisadi əməkdaşlıq aparmaqdır: 

“Daha sonra isə ölkənin daxili iqtisadi vəziyyətini düzəltməkdir. Hazırda xüsusən də müxalifət qüvvələr tarixi revanşist hisslərə qapılıblar. Ümid edirik ki, Ermənistan tarixdə etdiyi səhvləri təkrarlamayacaq və sülhü təmin edəcək. Əsas məsələ odur ki, əgər Qarabağ müharibəsi belə onları bu yuxudan oyatmayıbsa Paşinyanın bunu edə bilməsi sual altındadır”. 

Xəyal Ramiz