“Elektroenergetika və bərpaolunan enerji” standartlaşdırılması üzrə yeni Texniki Komitə yaradılıb, əsasnaməsi və strukturu təsdiq edilib. Azərbaycanda Yaşıl İstehsal və Alternativ Enerji mənbələri ehtiyatları yetəri qədərdir? Ölkənin bununla bağlı siyasəti nədir?
Məsələ ilə bağlı iqtisadçı Natiq Cəfərli Ednews-a açıqlaması zamanı qeyd edib ki, Azərbaycanda kifayət qədər alternativ enerji mənbəyinə sahibdir:
“Yeni yaradılmış texniki Komitənin nə işlə bağlı məşğul olduğu haqqında dərindən təsəvvür formalaşdırmaq tezdir. Çünki bunun haqqında hələ əsasnamə qəbul olunmayıb. Ümumilikdə baxdıqda alternativ enerji potensialı Azərbaycanda kifayət qədər yüksəkdir. Həm Günəş enerjisi həm də külək enerjisindən kifayət qədər yüksək effektivliklə istifadə etmək olar və bununla bağlı da ciddi şəkildə investiyalar edilib. Lakin təkminlləşdirilməsinə də ehtiyac var. Söhbət böyük elektrik istehsal edən generasiyalardan yox həmçinin ev təsərrüfatlarında bundan istifadənin yeni yolları və və təşviq proqramlarına ehtiyyac var. Hələ ki Azərbaycan böyük Günəş və külək elektrik stansiyalarının yaradılması ilə bağlı genişmiqyaslı lahiyələr həyata keçirilib”.
İqtisadçı düşünür ki, bu cür lahiyələrin ev təsərrüfatlarına şamil edilməsi daha yaxşı olar:
“Azərbaycanın Aran rayonlarında il ərzində günəşli günlərin sayı 250-dən çoxdur. Orada yaşayan əhalinin şəxsi fərdi evlərinin və ya fermer təsərrüfatlarının güzəştli şərtlərlə günəş panelləri ilə təmin edilməsi onların elektrik generasiyasına kömək və dəstək göstərilməsi daha doğru olar. Nəticə etibarilə bu cür yanaşma ilə əhali həm öz enerji tələbatını ödəyə bilər həm də artıq qalan elektrik enerjisini dövlətə geri satılması ilə bağlı mexanizm yaradıla bilər. Təsəvvür edək ki, ev təsərrüfatı öz elektrik təlabatını ödüyə bilir. Bunun özü çox yaxşı stimullaşdırma proqramına səbəb ola bilər. Nəticə etibarilə Azərbaycan üzrə elektrik enerjisinin payını artıracaq. Bu yeni yaradılmış Komitə ev təsərrüfatları ilə məşğul olmalı, alternativ enerjiyə keçidin yeni proqramlarını təmin etməlidir”.
Xəyal Ramiz