“PKK-nın siyasi uzantısı olan DEM partiyası tərəfindən başladılan terror hadisələri Türkiyəyi vətəndaş müharibəsinə sürükləyən, muxtariyyət yaratma səyidir. Türkiyə Cümhuriyyəti unitar dövlətdir, Türkiyənin milli sərhədlərini heç kim bölə bilməz və bölməyəcək”.

Bu sözləri türkiyəli politoloq Selin Şenocak Ednews-açıqlaması zamanı qeyd edib.

O, daha sonra bildirib ki, Van şəhərində təhlükəsizlik qüvvələrinə qarşı qeyri-qanuni nümayişlər və hücumlar Türkiyəni vətəndaş qarşıdurmasına aparmağa çalışan bir prosesdir:

“DEM partiyası demokratik partiya olmaqdan daha çox PKK-nın sivil strukturu kimi fəaliyyət göstərir. Bu son seçkilərdə AKP-MHP Xalq iqtidarının və millətçi partiyaların iqtidarını itirməsindən istifadə edib. Türkiyənin kürd problemi yoxdur, Türkiyədə “PKK” problemi var, türklər və kürdlər qardaşdır, məqsəd burada qazandıqları bələdiyyələrdə xaricdən dəstək alaraq muxtar struktur yaratmaqdır ki, bu da dövlətin unitar quruluşuna ziddir və qətiyyən qəbuledilməzdir. Vanda “PKK tüpürcəyi ilə boğar” deyərək Dövlətə meydan oxuyan Van DEM Partiyasının namizədi Abdullah Zeydan 2025-ci ilə qədər siyasətdən uzaqlaşdırılsa da, məhkəmə bu siyasi qadağanı hansı əsasla qaldırdı?”. 

Politoloq vurğulayır ki, belə bir qarşıdurma seçkidən sonra gözlənilən vəziyyət idi: 

“Türkiyə dövləti PKK-nın DEM kimi demokratiyaya sığmayan siyasi qolu ilə bu cür güzəştləri dayandırmalı və bu münaqişələrə rəvac verənlər barəsində məhkəmə prosesi başlamalıdır. Burada təhlükə olan Türkiyənin sağ qalmasıdır. DEM tərəfdarı olan CHP-nin son seçkilərdə üstünlüyü əldə etməsi terrorçu tərəfdarların bundan güclənməsinə və Türkiyəni muxtariyyət qarşıdurmasına aparmağa zəmin hazırlamış kimi görünür. Türkiyə Cümhuriyyəti dövləti Türkiyəni xaosa və vətəndaş qarşıdurmasına sürükləməyə çalışan DEM partiyasına və onun rəsmilərinə qarşı hüquqi baxımdan PKK ilə mübarizədə göstərdiyi uğuru mütləq nümayiş etdirəcək”.

Xəyal Ramiz