Polşa Xarici İşlər Nazirliyinin rəhbəri bildirib ki, NATO ölkələri Ukraynada alyans missiyası yaratmaq qərarına gəliblər. Qeyd edək ki, Rusiya Xarici İşlər Nazirliyi bir müddət əvvəl belə bir hadisənin baş verməsini kollektiv müharibə kimi qiymətləndirmişdi.

Alyansın Ukraynaya yardımı böyük müharibəyə səbəb ola bilərmi? Qərb düzgün qərar verirmi?
Məsələ ilə bağlı ingilis politoloq Neil Uotson Ednews-a açıqlaması zamanə qeyd edib ki, Qərb Şərqi Avropa ölkələrini müharibə təhlükəsinə atmayacaq:

“Mən çox güman edirəm ki, Qərb nə Rusiyanı, nə də ümumiyyətlə keçmiş Sovet İttifaqını başa düşmür. Biz bunu  Qarabağ məsələlərilə bağlı dəfələrlə görmüşük. Ukrayna Rusiya və keçmiş Sovet İttifaqı üçün çox spesifik haldır və həmişə olub. Bu kimi bəyanatların verilməsi sadəcə olaraq təxribat xarakteri daşıyır və Rusiyanı başqa cür etməyəcəyi addımları atmağa sövq edə bilər. Üstəlik, qərb həmişə konsensusla işləyir və bəyanatlarla hərəkətlər arasında həmişə vaxt fasilələri olur, halbuki Rusiya bir adamın rəhbərliyi altında fəaliyyət göstərir. Mən əslində inanmıram ki, bütün NATO ölkələri öz silahlı qüvvələrinin, xüsusən də Şərqi Avropadakı üzv ölkələrin həyatını təhlükə altına atacaq dərəcədə eyni Amerika mərkəzli fikirləri bölüşsünlər”.

Politoloq düşünür ki, Qərb liderləri təcili olaraq Rusiya ilə masaya oturmalıdır:
“Fikrimcə, hər tərəfdən çoxlu ritorika səslənir ki, bunların çoxu tənqidi daxili problemlərdən yayındırmaq və ya keçmiş və ya gələcək seçkilər fonunda reputasiyanı gücləndirməkdir. Qərb liderləri təcili olaraq Rusiya və postsovet məkanı üzrə ekspertlərlə məsləhətləşməlidirlər, Rusiya tərəfi ilə görüşməlidirlər və heç kimin davam etmək istəmədiyi və başlanğıcda olmayan şəkildə gərginləşə biləcəyi bu çətin görünən bataqlıqdan çıxış yolu tapmağa çalışmalıdırlar”. 

Xəyal Ramiz