“Cənubi Qafqaza daima gərginlik gətirən və bölgənin iqtisadi potensiyalını bloklayan Ermənistanı görməyib, onu önəmli və məsum bir ölkə kimi təqdim etməyə çalışmaq sadəcə riyakarlıqdır”.

Bu sözləri politoloq Tural İsmayılov Ednews-a açıqlaması zamanı qeyd edib. Onun fikirlərinə görə, Aİ-nin bu cür qərəzli çıxışları bizim üçün ilk deyil:

“Ümumiyyətlə Cozef Borrel Avropa İttifqanın içərisində kifayət qədər biryanlı, qeyri-səmimi və bərabərlik prinsiplərindən yad bir siyasətçidir. Cənubi  Qafqaz haqqında Fransanın təsiri altında açıqlamalar verməsi təəssüf edicidir. Borrel kimi təcrübəli və uzun müddət Avropa siyasi sistemində təmsil olunan siyasətçinin Ermənistan məsələsində bu qədər Fransa  təbliğatına uyması və xaricdəki erməni lobbisinin təsiri altında olması əslində Avropadakı siyasi təşkilatların özünün böyük bir böhran içərisində olmasını ortaya qoyur. Bu bizim üçün birinci səfər deyil. Bundan əvvəl Borrel Azərbaycan Ermənistan münasibətlərinin gələcəyi ilə bağlı da bir çox biryanlı olmayan açıqlamalar vermişdi. Ötən gün Brüsseldə ABŞ, Avropa İttifaqı və Ermənistan arasında keçirilən 3 tərəfli görüşdə Ermənistana daha güclü və sabit Qafqaz olması adına dəstək olması vədd etməsi  sadəcə gülüncdür. İlk olaraq biz Cənubi Qafqazdan danışırıqsa, güclü və sabit Cənubi Qafqaz prosesini əngələyən illərdir Ermənistandır. Yaratdığı işğalçılıq faktoru, bölgədə hər zaman gərginliyi üzt səviyyədə saxlamağı və provakasiyaları dövlətin əsas siyasi xəttinə çevirməsi Ermənistanı bölgədə sabitliyə deyil dağıdıcılığa xidmət etdiyi göstərmiş olur”. 

Xəyal Ramiz