“Hər iki prezident - həm Putin, həm də Əliyev bu yaxınlarda öz səlahiyyətlərinin yeni müddətə yenidən seçiliblər ki, bu da, şübhəsiz ki, onları bir - birinə daha da yaxınlaşdırır, ona görə də onlar sadəcə olaraq qarşılıqlı şəkildə bir-birini dəstəkləməli olacaqlar”.

Bu fikirləri rus politoloq Oleq Kuznetsov Ednews-a açıqlaması zamanı bildirib. 

O daha sonra qeyd edib ki, Rusiya və Azərbaycanın geosiyasi səviyyədə əməkdaşlıq üçün 3 ümumi mövzu var: 

“Birincisi, Cənubi Qafqazın təhlükəsizliyi, ikincisi,  "Şimal - Cənub" Beynəlxalq Nəqliyyat dəhlizinin inkişafı, üçüncüsü, siyasi rejimlərə qarşılıqlı dəstək. Düşünürəm ki, bu mövzuların hər üçü Moskvada prezidentlər Putin və Əliyev arasında keçiriləcək görüşündə müzakirə olunacaq. Bunun üçün ciddi şərtlər var. Birincisi, Rusiya sülhməramlıları Qarabağda öz mövcudluğunu dayandırdılar. Eyni zamanda Ağdamdakı Rusiya-Türkiyə Birgə Monitorinq Mərkəzi fəaliyyətini dayandırır, bununla əlaqədar bütün xarici qoşunlar regiondan çıxmağa başlayır, bundan sonra Azərbaycan Moskva və Ankaranın səssiz razılığı ilə Cənubi Qafqazda təhlükəsizliyin qarantı olur. İkincisi, bir ay əvvəl Prezident Putin eyni adlı beynəlxalq nəqliyyat dəhlizinin inkişafı üçün "Şimal-Cənub" Dövlət Korporasiyasının yaradılması haqqında sərəncam imzaladı və Rusiyada bu cür strukturlar sıfırdan yaradılmır. Bu o deməkdir ki, prezident Əliyev Moskvaya bu məsələ ilə bağlı açıq ifadə edilmiş fikirlə gəlməli olacaq”. 

Politoloq əlavə olaraq vurğulayır ki, iki ölkə arasında hansısa mövzuda fikir ayrılığı yoxdur:

“Yuxarıda göstərilən məsələlərin hər hansı birində Moskva və Bakının prinsipial fikir ayrılığı və ziddiyyətləri olmayıb. Xüsusən də nəzərə alsaq ki,   9-cu çağırış SSRİ Nazirlər Soveti sədrinin müavini-müasir baş nazir vəzifəsini tutan Heydər Əliyev olub. Bu cür işgüzar münasibətlər zamanı hər şey əvvəlcədən danışılmış və ya razılaşdırılmışdır”.

Xəyal Ramiz