Xəbər verdiyimiz kimi, Ağdam, Şuşa, Naxçıvan və Qazaxda mina hadisələri qeydə alınıb və bir nəfər həlak olub. 2020-ci ilin 10 noyabr tarixindən 2024-cü ilin 24 aprel tarixinə kimi 356 Azərbaycan vətəndaşı minadan zərərçəkən kimi qeydə alınıb.
Azərbaycanın mina problemi niyə beynəlxalq müstəvidə müzakirə olunmur?
Bundan başqa son zamanlar Ermənistanla olan münasibətdə müsbət dinamika müşahidə olunur. Ermənistan tərəfi mina xəritələrini bizə niyə təqdim etmir ? Əgər sülhdən danışılırsa niyə mina məsələsi həllini tapmır və can almaqda davam edir.
Məsələ ilə bağlı ANAMA yanında İctimai Şuranın sədr müavini, beynəlxalq hüquqşünas Emil Həsənov Ednews-a danışıb. O, bildirib ki, mina ilə bağlı hadisələr mövsimi xarakter daşıyır:
“Yaz fəsili ilə əlaqədar insanların həyat fəaliyyətində aktivlik müşahidə olunur. İnsanlar girişi qadağan olan yəni minalı ərazilərə bəzən daxil olurlar və təhlükəsizlik ikinci plana keçir. Əsasən də bunu əkinçilik və ya becərmə ilə əlaqələndirə bilərik. Təəssüf olsun ki, bütün düynada statistik olaraq bu aylarda dinamika həmişə yüksək olur. Hazırda Ermənistanda vəziyyət o qədər də stabil deyil. Paşinyan və komandası anlayır ki, bir çox proseslərə qoşulmalıdı və əvvəlki hakimiyyətdən fərqli davranmalıdır. Sülh prosesi zamanı danışıqlara töhfvə verməlidir. Lakin Ermənistanda başqa revanşist qüvvələr də varki insanları küçələrə çağıraraq, sülh prosesini ləngidirlər. Ermənistanda yuxarı təbəqə dəyişsə də orta təbəqə 30 ilə formalaşmış komandanın əlindədir”.
Sədr müavini bildirib ki, xəritələrlə bağlı proses minaların təmizlənməsi fəaliyyətinə ciddi təsir edir:
“Fikrimcə Ermənistan əsl xəritələrin verilməməsi ilə bağlı həmlə etmək fikrindədir. Məsələn, həmin xəritələri danışıqlarda təzyiq yolu kimi istifadə edir. İki ölkənin sülhə qovuşması üçün beynəlxalq və humanitar hüquq çərçivəsində 1ərb strukturları Ermənistana təzyiqləri artırmalıdır. Müxtəlif beynəlxalq təşkilatlar və Ermənistanda olan Avropa İttifaqının monitorinq komandası Ermənistanın üzərinə bir sıra öhdəliklər qoymalıdır. Nikol Paşinyanın qismən faəliyyətini görsək də Müdafiə Nazirliyində olan bəzi şəxslər digər strukturlar bu prosesin olmasını dəstəkləmir”.
Xəyal Ramiz
