“Hazırda Azərbaycanda səhiyyə sahəsində həkim çatışmazlığı problemi var. Bizim kifayət qədər savadlı mütəxəssizlərimiz Almaniya başda olmaqla digər avropa ölkələrinə üz tutur. Bu başa düşüləndir, maaş və s. səbəblərə görə daha əlverişlidir. Mən burda heç bir mənfi situasiya görmürəm. Çünki daha sonra biz özümüzdə ondan faydalanırıq”.
Bu sözləri Azərbaycan Respublikası Milli Məclisinin deputatı Müşviq Məmmədli Ednews-Tv-də yayımlanan “Vətəndaş mövqeyi” verlişində müsahibəsi zamanı deyib.
Deputat daha sonra bildirib ki, hazırda Bakı şəhərində istər özəl, istərsə də dövlət klinikalarında böyük növbələr olur:
“Ümumiyyətlə, dövlətimiz tərəfindən maliyyələşmənin olması, yəni icbari sığortanın uğurla tətbiqi insanların əlavə xərclərinin qarşısını alıb. Lakin digər tərəfdən tibb diplomlarının tanınmasında bir sıra boşluqlar var. Məsələn, Gürcüstan və Ukrayna universitetinin diplomları tanınsa belə onların təhsil keyfiyəti yaxşı olmur. Ona görə də bizim haqqımız yoxdur ki, təhsil keyfiyyəti aşağı olan universitetlərin diplomunu tanıyaq. Çünki bu insanların sağlamlığında problem yarada bilər”.
Daha ətraflı video süjetdə:
Xəyal Ramiz