Fələstinin radikal HƏMAS hərəkatı mart ayında Qəzza zolağında hərbi əməliyyatların bərpasından sonra əhəmiyyətli maliyyə çətinlikləri ilə üzləşib və səhra komandirlərinə, sıravi döyüşçülərə və anklavın idarə olunmasında iştirak edən məmurlara ödənişləri azaltmaq məcburiyyətində qalıb.
“EDnews” xəbər verir ki , bu barədə "The Wall Street Journal" (WSJ) Fələstin, İsrail və Qərb mənbələrinə istinadən məlumat yayıb.
Nəşrin məlumatına görə, 2023-cü il oktyabrın 7-də törədilən terror aktlarından əvvəl HƏMAS 500 milyon dollara yaxın vəsait toplaya bilib. Bunlar əsasən Yaxın Şərq, Qərbi Afrika, Cənubi Asiya və Böyük Britaniyadakı donorlardan toplanan vəsaitlər olub. 2023-cü ildə hərbi əməliyyatların başlanmasından bəri pul axını əhəmiyyətli dərəcədə azalıb və vəsaitlərin çıxarılması çətinləşib.
2025-ci ilin mart ayında hərbi əməliyyatların yenidən başlaması, İsrailin Qəzzaya bütün humanitar yardım axınını dayandırmaq qərarı və hərəkatın maliyyələşdirmə sxemlərinin təşkilində iştirak edən çoxlu sayda HƏMAS yüksəkrütbəli üzvlərinin aradan qaldırılması pul axınının əhəmiyyətli dərəcədə azalmasına səbəb olub.
Fatimə Mərdanlı // EDnews
