“Tehran Beynəlxalq Atom Enerjisi Agentliyi (MAQATE) ilə əməkdaşlıq etməlidir”.
Ednews TASS-a istinadən xəbər verir ki, bu fikri Avropa üçlüyü (Fransa, Almaniya və Böyük Britaniya) ölkələri bildiriblər.
Müvafiq bəyanatı şənbə günü üç dövlətin Xarici İşlər nazirlikləri yayıb.
Bəyanatda deyilir:
"Təəssüf ki, İran həlledici diplomatik fürsətdən etmədi, əvəzində isə nüvə proqramını davam etdirdi, sülhməramlı danışıqlardan çox-çox kənara çıxdı".
Üç ölkənin Xarici İşlər nazirlikləri xatırladırlar ki, iyun ayında MAQATE-nin Rəhbərlər Şurası Tehranı agentliyin suallarına təcili cavab verməyə çağıran qətnamə qəbul edib.
"İran MAQATE ilə tam və gecikmədən əməkdaşlıq etməli, bütün nüvə materiallarının İran ərazisində yerləşməsi ilə bağlı MAQATE-nin suallarına texniki cəhətdən etibarlı cavablar verməlidir", - diplomatlar vurğulayırlar.
Avropa üçlüyü hesab edir ki, İranın nüvə proqramı ilə bağlı mövqeyi sazişin bərpasını təhlükə altına qoyur. İran tərəfi isə Fransa, Böyük Britaniya və Almaniyanın bəyanatını qeyri-konstruktiv adlandırıb.