Onun sözlərinə görə, müharibə cinayətləri haqqında iki gün ərzində həm Ombudsman, həm də aidiyyəti bir neçə qurum tərəfindən onlara məlumat verilib.

 

“Onların bu gün burada olmaları olduqca əhəmiyyətli haldır. Qonaqlarımız Avropa, Asiya, Afrika kimi yerlərdən gəliblər, yəni sfera olduqca genişdir. Hesab edirəm ki, məhz öz gözləri ilə gördükləri təəssürat çox fərqlidir. Bu iki günlük konfrans nəticəsində Bakı Bəyannaməsi qəbul olundu. Konfransın məzmunu biznes və insan hüquqları ilə bağlı idi. Konfransda bu sahələrdə fəaliyyət göstərən bir neçə beynəlxalq səviyyəli mütəxəssislər də iştirak edirdi. Aydındır ki, 30 il işğalda olan torpaqlarımızda bütün biznes fəaliyyətlər məhdudlaşdırılmışdı. Bu gün keçmiş məcburi köçkünlərimizin bu ərazilərdə fəaliyyətlərinə mane olan əsas məsələ mina problemidir. Ermənistanın cəzalandırılması isə ayrı bir problemdir. Bu gün erməni diversiya qrupları ərazilərimizə mina basdırma prosesini yenə də davam etdirir. Biz dəfələrə beynəlxalq tərəfdaşlarımıza müraciətlər etmiş, dərhal sərt formada reaksiya vermələri üçün çağırışlar etmişik. Onu da qeyd edim ki, ilk dəfə Yaponiya, HonqKonq, İndoneziya kimi ölkələrdən nümayəndələr bu ərazilərə gəlib və bir çox ölkələrdən isə onlayn formada qoşulublar. Konfransda ANAMA nümayəndəsi geniş bir təqdimatla çıxış etdi, onun qeyd etdiyi faktlar qonaqları şoka salmışdı. Elə olur ki, bir kvadrat metr əraziyə 8 mina basdırılıb. Biz dəflərlə bu cür məsələləri qaldırmışıq. Minaların basdırılması bir cinayət, dəqiq mina xəritələrinin verilməməsi ikinci cinayət, Azərbaycana ödənilməsi gərəkən kompensasiya isə üçüncü cinayətdir”, - Ombudsman qeyd edib