Müharibə güc balansı Ukraynanın lehinə dəyişib - Hərbi ekspert - ednews.net

4 Fevral, Şənbə

(+994 50) 229-39-11

Müharibə güc balansı Ukraynanın lehinə dəyişib - Hərbi ekspert

Siyasət A- A A+
Rusiya ordusu Ukrayna ilə sərhəd ərazilərdə müdafiə xəttinin qurulması istiqamətində hazırlıq işləri görür. Sərhəd boyu səngərlər qazılır və tankların keçməməsi üçün daş bloklar yığılır. 
 
Bəzi ekspertlərin fikirlərinə görə, bu artıq rus ordusunun öz ərazisində müharibəyə hazırlaşdığına işarədir. 
 
Məsələ ilə bağlı Ednews – a açıqlamasında hərbi ekspert Elxan Şixaliyev qeyd edib ki, Rusiya-Ukrayna müharibəsi artıq dördüncü mərhələyə keçib. Onun sözlərinə görə, hərbi əməliyyatlarda güc balansı Ukraynanın lehinə dəyişib. 
 
“Rus ordusu artıq hücum taktikasından müdafiə taktikasına keçib. NATO-nun dəstəyi vasitəsilə Ukrayna ordusu uğurlu hücum əməliyyatları ilə bir çox ərazilərini işğaldan azad edib. Nəticədə rus ordusu da yeni əraziləri nəzarəti götürə bilmir və xeyli itkilər ilə üzləşir. Rəsmi Moskva bunun fərqində olduğu üçün Ukraynada nəzarətində olduğu ərazilərdə, eləcə də öz ərazisində geniş müdafiə xətti yaradır. Bu müdafiə xətti birbaşa Ukrayna hərbi birliklərinin irəli gəlməsinin qarşısının alınmasına istiqamətlənib”.
 
Ekspert, həmiçinin bildirib ki, Rusiya Ukraynaya qarşı ciddi təzyiq vasitələrdən də istifadə edir. 
 
“Moskva bu gün Ukrayna danışıqlar masasına oturmağa maraqlıdır. Rus ordusu uzaqmənzilli raketlər ilə Ukraynanın strateji obyektlərini və enerji infrastrukturlarını sıradan çıxarır. Bu da Ukrayna xalqını soyuq qış ayında qazsız və işiqsız saxlamaq deməkdir. Kreml bu kimi addımlarla Ukrayna hakimiyyətini danışıqlara qayıtmasını vadar edir. Amma düşünmürəm ki, rəsmi Kiyev Rusiyanın istəyinə razılıq versin. Ukrayna tərəfi 2014-ci ildən bəri işğal altında olan Krım, Luqansk, Donetsk və digər ərazilərinin qaytarılmasını tələb edir. ABŞ və NATO-nun Ukraynaya hərbi və strateji dəstəyi günü-gündən artır. Bu ölkənin ordusu uzaqmənzilli rakeltlər, pilotsuz uçuş aparatları və digər raket sistemləri ilə təmin olunur. Rusiya bu artan gücün qarşısında tab gətirə bilməyəcək. Ona görə bütün fəaliyyətini müdafiə əməliyyatlarının möhkəmlənməsinə yönəlib”. 
 
Yunis Abdullayev


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...