Azərbaycanın Böyük Britaniyadakı səfiri Elvin Süleymanov Britaniyanın “Times” radiosuna müsahibə verib. Jurnalist Lusi Fişin suallarına cavablandıran səfir ilk növbədə erməni tərəfinin yaydığı dezinformasiyalardan danışıb. O, bildirib ki, bu gün Qarabağda yaşayan ermənilər birmənalı olaraq Azərbaycan vətəndaşı qədər eyni hüquqa malikdir:

 “Görünən rəqəmlər məsələnin əsas tərəfi deyil. İstər bu 34 min olsun, istərsə də 100 min, onlar bizim üçün bərabər hüquqludur. Sadəcə mən bu rəqəmlərlə məsələnin şişirdilməsini istəməzdim. Bizim üçün əsas olan nəticədir”. 

Azərbaycanlı diplomat jurnalistin Laçın dəhlizində eko-fəalların avtomobillərin gediş-gəlişinə mane olması barədə sualına cavab olaraq bildirib ki, bu sadəcə Ermənistan tərəfinin şişirdilmiş iddiasıdır. Digər məsləyə gəlincə isə istər Xankəndi, istərsə də digər ərazilər ümumilikdə Azərbaycanın suveren ərazisidir və orada baş verənlər beynəlxalq nizamnaməyə tam uyğundur. 

“Bizim orada gənc eko-fəallarımız var. Onlar sırf ekoloji etirazçılardır və məqsəd bəllidir: bu etiraz dünya nizamnaməsində öz təsdiqini tapmış proqram çərçivəsindədir. Bilirsiniz ermənilər uzun illərdən bəri orada mövcud olan qiymətli yeraltı və yerüstü sərvətləri qanunsuz istismar edərək, daşımağa çalışırlar. Bu cür qanunsuz istismar nəticəsində də Azərbaycanın ekoloji vəziyyətinə xeyli zərər dəyib və ciddi şəkildə pisləşib. Onlar mis, qızıl və sair qiymətli yeraltı sərvətlərdən qanunsuzcasına faydalanır və bunu heç bir sənədi əsas olmadan həyata keçirir.     

Gəlin, düz danışaq – bu əslində Azərbaycanın suveren ərazisidir. Bəli, bu beynəlxalq səviyyədə tanınan suveren Azərbaycan ərazisidir. Hətta Ermənistanın Baş naziri belə Azərbaycanın beynəlxalq səviyyədə tanınan hüdudları çərçivəsində onun ərazi bütövlüyünü tanıdığını etiraf edib. Xankəndi Azərbaycanın həmin ərazi bütövlüyü tərkibində olan şəhəridir. Burada aktivistlər sadəcə orada nə baş verdiyindən xəbərdar olmaq və monitorinq aparmaq üçün Azərbaycan qanunlarına əsasən fəaliyyət göstərir. 

Əsas məsələni qeyd etməliyəm ki, bu gün heç bir mülki erməni milliyyətindən olan vətəndaşın Xankəndinə gedib-gəlməsinə zərrə qədər belə maneə törədilmir. Onlara mane olan sadəcə Ermənistan hakimiyyəti və Xankəndində mövcud olan separatçı qüvvələrdir.”

Müsahibəsində səfir Elin Süleymanov Xankəndi yolunda yükmaşınlarına Azərbaycan tərəfindən nəzarət olunduğu haqqında yayılan xəbərlərə də aydınlıq gətirib. 

“Xankəndinə gedən yük maşınlarına prosedura uyğun olaraq sadəcə baxış keçirilir. Bu da məlum səbəblərdəndir. 

Bilirsiniz müharibə bitdikdən, yəni 10 noyabr kapitulyasiya bəyannaməsi imzalandıqdan sonra bizim ərazilərimiz minalanıb. Bu minalanma prosesi məhz bəyannamə imzalanandan sonra baş verib. Bu səbəbdən də əlbəttə, bizim insanlar Xankəndinə maşınlarda nəyin daşındığını bilmək istəyir, baş verən hadisələrdən xəbərdar olmağa çalışır. Lakin orada ərzaq, müxtəlif əşyalar və insanların daşınmasına, gediş-gəlişinə maneçilik törədilmir. 

Müsahibəsi zamanı səfir Xankəndidə Ermənistanın iddia etdiyi ərzaq böhranı ilə bağlı fikirləri də rədd edib. O, bunun müəyyən dairələrin mənafeyinə uyğun olduğunu vurğulayıb:

 “Bizim Ermənistan tərəfi və hətta Beynəlxalq Qırmızı Xaç Cəmiyyəti ilə danışıqlarımız olub. Biz onlara nəinki ərzaqlarını daşımaq üçün yük maşınları da təklif etdik. Bununla yanaşı, biz onlara ərzaq və tibbi yardım köməkliyi edə biləcəyimizi də bildirdik. Bir sözlə deməliyəm ki, Azərbaycan ərazisində yaşayan erməni əsilli şəxs Azərbaycan vətəndaşıdır. Buna baxmayaraq, erməni separatçıları bunu rədd etdi. Çünki onların məqsədi başqadır. Mən bunu izah edəcəm. Bunu başa düşmək o qədər də çətin deyil. 

Birincisi rus sülhməramlı kontingenti orada müvəqqəti, yəni 2025-ci ilədək yerləşdirilib və Azərbaycanla Ermənistan arasında qarşılıqlı sülh təmin edilərsə, orada sülhməramlı mandatı birmənalı olaraq ləğv olunur. İkinci məsələ isə Ukraynada belə fəaliyyətinə qadağa qoyulan Ruben Vardanyanın birdən-birə Xankəndidə peyda olmasıdır. 

Nə üçün onun birdən-birə orada peyda olması ilə Ermənistanla Azərbaycan arasında münasibətlər dəyişdi, ortada xoşa gəlməyən səs küy meydana gəldi? Bilən yoxdur ki, onu Xankəndinə kim və haradan salıb. Bütün bunlar bir sual doğurur: Bunu kim edir? Kimin məqsədlərinə xidmət edir? 

Biz yalnız bir şeyi demişik və deyirik: Qarabağda həqiqətən yaşayan ermənilər Azərbaycan vətəndaşıdır. Biz ümumiyyətlə Ermənistanla normal münasibətlərin tərəfdarıyıq”.