Haaqada keçirilən Beynəlxalq Ədalət Məhkəməsində “Ermənistanın Azərbaycana qarşı” işində Ermənistanın Azərbaycana qarşı əsassız iddialarını təkzib edən Samuel Uordvors aprelin 17-də məhkəmə zalında çıxış edib.

Ednews xəbər verir ki, Ourdsvors çıxışı zamanı Ermənistanın etnik təmizləmə haqqında iddiaların tamamilə əsassız və sübutsuz olduğunu bildirib:

“Dünən keçirilən məhkəmə zamanı Ermənistan tərəfi öz iddialarını təsdiq edən sübutlarla çıxış etmədi. Birincisi, Ermənistanın iddia etdiyi etnik ermənilərə qarşı zorakılıq və etnik təmizləmə haqqında heç bir dəlil nümayiş etdirilməyib. Etnik zorakılıq haqqında danışan zaman Ermənistan tərəfi azərbaycanlılara qarşı edilmiş zorakılıqlardan heç də bəhs etmədi. Çünki, Ermənistan qısa vaxt aralığından çıxış edib.

Bundan əlavə, Ermənistan tərəfi regionda ermənifobiya məsələsinin olduğunu dəfələrlə təkrar edib. Dünənki dinləmədə cənab Mörfi Azərbaycanın erməni soyundan olan əsgər və mülki əhaliyə qarşı zorakılıq aktı törətdiyini təkrar-təkrar vurğulayıb. Lakin, yenə də Ermənistan tərəfi bu iddiaları təsdiqləyən heç bir sübut paylaşmayıb. Ermənistanın etnik təmizləmə və irqi zorakılıq iddiaları hələ də əsassız olaraq qalır”.

Fərid