Xəbər verdiyimiz kimi, Beynəlxalq Ədalət Məhkəməsi Haaqada Azərbaycanın Ermənistana qarşı iddiası üzrə dinləmələr keçirilir. İrqi Ayrı-seçkiliyin Aradan Qaldırılması üzrə Komitənin (CERD) (Ermənistan Azərbaycana qarşı) müraciəti ilə bağlı iş üzrə Azərbaycan tərəfindən qaldırılan ilkin etirazlar üzrə ictimai dinləmələr baş tutub. Ermənistan Azərbaycanın iddialarına qarşı məhkəmədə cavab verməli olub. Baş tutan dinləmələrdə Ermənistan tərəfi Azərbaycana qarşı növbəti dəfə böhtan xarakterli əsassız iddialar səsləndirib.
Məsələ ilə bağlı ərəb məsələləri üzrə ekspert Əli Əl-Hufi Ednews-a verdiyi açıqlamada bildirib ki, İkinci Qarabağ müharibəsindən sonra ABŞ və Aİ kimi üçüncü tərəf Azərbaycan və Ermənistan arasında sülh danşıqlarına təsir etmək istəyir:
“Çünki Qarabağ torpaqları Ermənistan tərəfindən 30 il işğal altında saxlanılıb və Azərbaycan 2020-ci ildə 44 gün davam edən hərbi əməliyyat elan edərək Qarabağ torpaqlarını azad edib”.
Ekspertin fikrincə Ermənistanın Azərbaycana qarşı həyata keçirdiyi taxribatların dayandırılması üçün beynəlxalq vasitəçilərin iştirakı ilə sülh üçün danışıqlar aparılmalıdır.
Ərəb ölkələrinin də vasitəçi kimi rol oynaması mümkündür. Azərbaycana gəlincə ölkədə sülh və sabitlik üçün daha çox addımlar atmalıdır. Çünki hazırda Azərbaycan xalqı bunu istəyir”.
Ekspert həmçinin Beynəlxalq Ədalət Məhkəməsini qərarlarını tənqid edərək bildirb ki, biz onun qərarlarının yerinə yetirilmədiyini gördük, əslində bu yeni bir hadisə deyil:
“Biz bunu Fələstin-İsrail münaqişəsində də görmüşük və yuxarıda qeyd etdiyim kimi üçüncü tərəf müdaxiləsi olmadan Ermənistan və Azərbaycan liderləri etibarlı vasitəçi iştirakı ilə bir masada oturub qalan kritik məsələləri həll etməlidir”.
Xatırladaq ki, aprelin 17-da Birləşmiş Millətlər Təşkilatının Beynəlxalq Ədalət Məhkəməsində “Ermənistan Azərbaycana qarşı” işi üzrə şifahi dinləmələrin 3-cü günü keçirilib.
Qeyd edək ki, dinləmələrin son günü 19 aprel tarixində keçiriləcək.
Loğman Yunis
