Erməni mediasına müsahibəsində politoloq Armen Badalyan deyib ki, Azərbaycan çox məntiqli siyasətlə irəliləyir. Bəs kim dedi ki, Azərbaycan hansısa tənzimləmə, iş proseduru ilə bağlı Ermənistan hakimiyyəti ilə razılaşmalıdır? Azərbaycanın bir məqsədi var - hər şeyi əldə edib heç nə verməmək və Bakı bunu həyata keçirir.

Badalyanın şərhinə Ednews-a münasibət bildirən erməni siyasi şərhçi İşxan Verdiyan bu fikrin təxribat xarakterli ola biləcəyini söyləyib:

"Hər kəsin istədiyini söyləmək hüququ var, amma hər kəs sözünün məsuliyyətini öz üzərinə götürə bilmir. "Azərbaycan hər şeyi əldə etmək istəyir? Burada "hər şeyi" necə başa düşmək olar? Yəni bu fikri necə başa düşə bilərik. Bura bütün Ermənistan ərazisi daxildirmi?"

O, vurğulayıb ki, Ermənistanda konstitusiya dəyişməyincə sülh müqaviləsi imzalana bilməz:

"Burada söhbət heç də prezident İlham Əliyevin ilkin şərtlərində deyil, Ermənistan konstitusiyasının bu müqavilənin konstitusiyaya zidd olduğu təqdirdə beynəlxalq müqavilənin ratifikasiyasını qadağan etməsi faktıdır. Ermənistan konstitusiyasında Azərbaycan ərazisinə açıq iddialar yazılıb, ona görə də bu ərazilərin tərk edilməsi konstitusiyanı pozmaq deməkdir. Sülh müqaviləsi imzalandıqdan sonra bu sənəd Ermənistan Konstitusiya Məhkəməsinə şikayət ediləcək və konstitusiyaya açıq şəkildə zidd olduğu üçün ləğv ediləcək.

Beləliklə, ölkələr müqaviləni imzaladıqdan sonra ən yüksək səviyyədə imzaladıqları sənədin yazıldığı ancaq kağız parçası olması riski ilə üzləşirlər. Ona görə də bu baxımdan konstitusiyaya dəyişiklik etmək üçün Azərbaycanın ilkin şərtləri olan sülh, elə ilk növbədə Ermənistanın özünə lazımdır. Baş nazir Paşinyanın komandasında müvafiq hüquqi biliklərin olduğuna çox şübhə edirəm, ona görə də ola bilər ki, Ermənistan növbəti bir səhv daha edəcək. Bunun da geri dönüşü olmayan (ölümcül) nəticə verməsi ehtimalı olduqca yüksəkdir".

Əkbər Novruz