Avropa İttifaqı ABŞ ilə əməkdaşlığı davam etdirmək istəyir, lakin eyni zamanda Amerika tərəfindən tətbiq edilən tariflərə qarşı vahid mövqe sərgiləməyə hazırdır.
"EDnews" xəbər verir ki, bu fikirləri Almaniya kansleri vəzifəsini icra edən Olaf Şolts səsləndirib.
Şoltsun sözlərinə görə, ticarət müharibələri hər iki tərəfə mənfi təsir göstərir. O vurğulayıb ki, Avropa nə zəifdir, nə də sadəlövh.
“Buna görə də mən ABŞ-a açıq şəkildə bildirirəm: Avropa əməkdaşlığa üstünlük verir. Lakin əgər ABŞ polad və alüminium tariflərində olduğu kimi bizi çətin seçim qarşısında qoyarsa, Aİ olaraq buna müvafiq cavab verəcəyik”, – deyə o bəyan edib.
Qeyd edək ki, fevralın 10-da ABŞ Prezidenti Donald Tramp polad və alüminiumun idxalına 25% gömrük rüsumunun tətbiqi barədə göstəriş verib. Martın 12-də qüvvəyə minən bu qərar Avstraliya, Argentina, Braziliya, Böyük Britaniya, Avropa İttifaqı, Kanada, Meksika, Cənubi Koreya və Yaponiyadan gətirilən məhsullara da şamil edilir.
Şəms Qasımlı // EDnews