Milli Məclisin deputatı Könül Nurullayeva Prezident İlham Əliyevin Avropa Siyasi Birliyinin 6-cı zirvə toplantısına dəvətini Azərbaycanın artan nüfuzunun göstəricisi sayır. O bildirib ki, qurum Azərbaycanın mövqeyini dinləmək istəyir və bu, ölkəmizin ədalətli mövqeyi ilə bağlıdır.
Nurullayeva qeyd edib ki, Avropa Siyasi Birliyi mövcud təşkilatları əvəz etmir, amma Avropanın təhlükəsizliyi və rifahı üçün siyasi dialoqu gücləndirir. 2022-ci il Praqa sammitində İlham Əliyev Azərbaycanın ərazi bütövlüyünün tanınmasını təmin edib.
Deputat bildirib ki, Tiranada İlham Əliyev xüsusi qarşılanıb və Azərbaycanın iştirakı önəmlidir. Avropa İttifaqı regional sülhə sərmayə qoymağa hazırdır və Azərbaycanın rolu böyükdür. Azərbaycan regional gücə çevrilib və beynəlxalq platformalarda fəal iştirak edir.
Bu, Azərbaycanın beynəlxalq mövqeyinin güclənməsidir. Deputat vurğulayıb ki, artan nüfuz ölkəmizə yeni əməkdaşlıq imkanları yaradır və sülhə töhfə verir.
Mədinə Məmmədova//EDnews
