Fransa Gürcüstanda LGBT təbliğatına dəstəyini davam etdirir.

“EDnews” xəbər verir ki,  Gürcüstanda fəaliyyət göstərən və uzun illər LGBT təbliğatı ilə məşğul olan “Equality Movement” təşkilatı sosial media hesabında Fransanın bu sahədəki dəstəyini bir daha nümayiş etdirən açıqlama yayıb. Bildirilib ki, Fransanın Gürcüstandakı səfiri Şeraz Qasri təşkilatın ofisini ziyarət edib və tərəflər gələcək əməkdaşlıq məsələlərini müzakirə ediblər.

Bu görüşdə əsas müzakirə mövzularından biri “Equality Movement” təşkilatının tibbi və psixoloji xidmətlərinin genişləndirilməsi olub. Qeyd edək ki, bu təşkilat uzun müddətdir Gürcüstanda LGBT ideologiyasının təbliği ilə məşğuldur və müxtəlif beynəlxalq qurumlardan, o cümlədən Qərb fondlarından maliyyələşdirilir.

Fransa səfirliyinin “Equality Movement”ə açıq dəstək göstərməsi, Gürcüstan cəmiyyətinin dəyərləri və ənənəvi ailə modelinə zidd olan təşəbbüsləri himayə etməsini göstərir.

Fransanın Gürcüstanda LGBT təbliğatına dəstək verməyə davam etməsi, eyni zamanda xarici təsirlərin ölkənin daxili işlərinə müdaxilə etməsi məsələsini də gündəmə gətirir. Gürcüstan cəmiyyətində ailə institutunun qorunmasına yönəlmiş addımların atılmasına baxmayaraq, bu kimi təşkilatların fəaliyyətinin və onlara göstərilən beynəlxalq dəstəyin məqsədi sual doğurur.

Qeyd edək ki, “Equality Movement” (Bərabərlik Hərəkatı) adı altında 2014-cü ildə yaradılan bu təşkilat LGBT təbliğatı ilə məşğul olub. Gürcüstanda bir sıra bu kimi təşkilatlar var və onlar əsasən Avropa İttifaqı, ABŞ-ın Beynəlxalq İnkişaf Agentliyi (USAID), Açıq Cəmiyyət Fondu və digər beynəlxalq fondlar tərəfindən maliyyələşdirilib.

Gürcüstanda bir sıra bu kimi qeyri-hökumət təşkilatları (QHT) LGBTQ+ hüquqlarının müdafiəsi və təşviqi ilə məşğul olan qurumlar var. Bu təşkilatlar Avropa İttifaqı, USAID və Açıq Cəmiyyət Fondu kimi beynəlxalq fondlar tərəfindən maliyyələşdirilib və aksiyalar zamanı dövlətin qərarlarına qarşı çıxaraq ictimai rəy yaratmağa çalışdıqlarl iddia olunur.