Dünyada 450 milyondan çox insan ruhi xəstəliklərdən əziyyət çəkir. Sindrom, kökü və səbəbi bəlli olmayan psixoloji xəstəlik olaraq adlandırılır.
Ednews psixologiyadakı 8 maraqlı və qəribə sindromu təqdim edir.
1. “Munchausen“ sindromu
Bu sindrom 18-ci əsrdə yaşamış Baron Munchausen’dən gəlmişdir. Sindroma sahib şəxslər ətrafdakı insanların diqqətini çəkmək üçün özünü xəstə kimi aparır. Araşdırmalar göstərmişdir ki, təcili yardıma gələn xəstələrin 20%-i bu sindrom sayəsində müraciət edir, əslində xəstə deyillər.
2. “Stendhal“ sindromu
İnsanın sənət əsərləri qarşısında həyəcanlanıb, huşunu itirməsinə Stendhal sindromu deyilir. Bu sindroma tutulan insanların ürək ritmlərində sürətlənmə, baş dönməsi, bayılma və halusinasiyalar müşahidə olunur.
3. “Truman“ sindromu
Televizorların və populyar mədəniyyətin həyatımıza girməsi ilə ortaya çıxan ruhi narahatıqdır. Truman sindromuna tutulan xəstələr, həyatlarının gizli kamera ilə qeydə alındığını və televizorda göstərildiyini zənn edirlər.
4. “Xarici aksent“ sindromu
Bu xəstəlik bu günə qədər 65 nəfərdə müşahidə olunmuşdur. Beynin danışma hissəsində əmələ gələn zədə səbəbi ilə yaranır. İnsan öz ana dilini xarici dildəki aksent ilə danışmağa başlayır. Sindromun ən maraqlı tərəfi isə aksenti dəyişən insanların daha əvvəl heç eşitmədikləri və görmədikləri bir ölkənin aksenti ilə danışmaqlarıdır.
5. “Paris“ sindromu
Paris sindromu, xüsusilə yaponların tutulduğu bir sindromdur. Yapon mediyasının Parisi xoşbəxt, sakit və dəbdəbəli göstərməsi səbəbi ilə yaponlar Parisə gəldikləri üçün xəyal qırıqlığına uğrayır və depressiyaya girirlər.
6. “Alisa möcüzələr diyarında” sindromu
Alisa möcüzələr diyarında sinromuna sahib insanlar əşyaların ölçülərini fərqli görür. Belə ki, bu sindromdan əziyyət çəkənlər, cisimləri daha böyük va ya kiçik, fərqli eşitmək və s. kimi problemlərlə üzə çıxır.
7. “Peter Pan“ sindormu
Bu sindroma sahib insanlar, böyüməkdən qorxan uşaqlar və ya böyüklərdə qarşımıza çıxa bilir. Özünü uşaq kimi hiss edib belə davranışlar sərgiləyən insanlarda rast gəlinir. Peter Pan sindromlu insanlar böyüklərin götürdüyü məsuliyyətlərdən qaçmaqlarına səbəb olur.
8. “Otello“ sindromu
Otello sindromu, qısqanclıq ilə əlaqəli psixoloji narahatlıqdır. Bir insanın həddindən çox qısqanclıq sərgiləməsinə verilən addır. Otello sindromu adı Şeksprin eyniadlı əsərindən götürülmüşdür.
Vəfa Ustayeva
