Bakıda daha bir avtobus sürücüsünə hücum edilib. Tıxacdan əsəbləşən sərnişin avtobusda olan bakı kart cihazlarını qırıb. Sükana əl atan sərnişin qəza şəraiti də yaradıb
Sürücüyə yaxınlaşan sərnişin əvəlcə onunla mübahisə edir. Sonra əsəbləşən sərnişin əlinə nə keçdisə sındırmağa başlayır.
Həmin sərnişin Bakı Kart aparatına bağlı 2 ədəd cihazı sındırır, daha sonra avtobusun sükanına müdaxilə edərək qəza şəraiti yaradır
Elə bu anda salonda olan sərnişinlərdən biri yıxılaraq xəsarət alıb. Bu kadrlar dünən axşam saatlarında "28 May" küçəsində avtobusunun salonunda olan təhlükəsizlik kameralarına düşüb. Hadisə 61 saylı xətt üzrə hərəkət edən avtobusda lentə alınıb.
Hadisəni törədən sərnişin isə arxa qapıdan düşərək qaçıb. Hadisə nəticəsində istismarçı şirkətə ziyan dəyib. İnsidentlə bağlı hüquq-mühafizə orqanlarına müraciət edilib.
