25 dekabr 2018-ci il tarixdə Yasamal rayon İcra Hakimiyyətinin Heydər Əliyev mərkəzində Milli Mənəvi Dəyərlərimizə Dəstək İctimai Birliyinin və Yasamal rayon Gənclər və İdman idarəsinin birgə təşkilatçılığı ilə “Azərbaycançılıq ideologiyası və Milli mənəvi dəyərlərimiz” mövzusunda tədbir keçirildi. Tədbir Azərbaycan Respublikasının Dövlət Himninin səsləndirilməsi ilə başlandı. Daha sonra ilk olaraq Milli Mənəvi Dəyərlərimizə Dəstək İctimai Birliyinin sədri, siyasi elmlər üzrə fəlsəfə doktoru Elvin Talışınski çıxış edərək Azərbaycançılıq ideoogiyasının əsas istiqamətlərdən olmasından, gənclərin formalaşmış ideologiya ətrafında birləşməsinin əhəmiyyətindən danışdı. Həmçinin E.Talışınski milli mənəvi dəyərlərimizin qorunmasından, onların təbliğindən və bu sahədə maarifləndirmə işinin aparılmasının vacibliyi haqqında fikir bildirdi.
Sonra söz Yasamal rayon Gənclər və İdman idarəsinin rəis müavini Ramil Cəbrayılova verildi. R.Cəbrayılov bu cür səmərəli və vacib tədbirlərin keçirilməsinin xüsusi əhəmiyyətə malik olduğunu deyərək mövzunun aktual və önəmli olduğunu qeyd etdi.
Növbəti çıxışı Mənəvi Dəyərlərin Təbliği Fondunun icraçı direktoru, ilahiyyat üzrə fəlsəfə doktoru Mehman İsmayılov edərək milli mnəvi dəyərlərin gənc nəsillərə aşılanmasının, lazımı dərəcədə təbliğinin aparılmasını bildirdi və bu sahədə dövlət siyasətindən bəhs etdi. O, gənclərə bu sahədə aktiv olmalarını tövsiyə etdi.
Dünya Azərbaycanlılarının Beynəlxalq Həmrəyliyi İB-nin prezidenti Tofiq Əli-zadə də çıxış edərək xarici ölkələrdə yaranmış diaspora və xarici səfərlər zamanı ümummilli lider Heydər Əliyevin siyasi fəaliyyətindən danışdı.
Sonra Bakı İslam Universitetinin müəllimi Cəlil Məmmədov çıxış etdi. C.Məmmədov xaricdə təhsil almış fəal azərbaycanlı gənclərin fəaliyyətindən, diaspora təşkilatlarının azərbaycançılıq ideologiyasının təbliğindəki rolundan danışdı.
Daha sonra mövzu ətrafında müzakirələrə keçid alındı. ADMİU-nun TGT sədri İman Sadıqov, Milli Mənəvi Dəyərlərimizə Dəstək İctimai Birliyinin sədr müavinləri Qorxmaz Paşayev və Nərminə Quliyeva, Ziyalılar, qazilər çıxış etdilər.
Sonda tədbir iştirakçılarının xatirə fotoşəkli çəkildi.
