Daşqın Rəcəbli: "Biz bunu dünyaya göstərməkdə davam edəcəyik"

Cəmiyyət 16:04 08.08.2020
Yenicag.az Diasporla İş üzrə Dövlət Komitəsi Aparatının rəhbəri Daşqın Rəcəblinin Milli.Az-a müsahibəsini  təqdim edir:
 
– Nikol Paşinyanın Ermənistanın diasporla iş üzrə komissarının ofisində təmizləmə əməliyyatı aparması, rəhbər vəzifəli şəxslər də daxil olmaqla 13 nəfəri işdən kənarlaşdırması erməni diasporunun fəaliyyətində ciddi problemlər yarandığını aydın göstərir. Siz bu fiaskonu nə ilə əlağələndirə bilərsiniz? Sizcə, birdən-birə bu sayda rəhbər vəzifəli şəxslərin işdən kənarlaşdırılması nədən xəbər verir?
 
– Son zamanlar erməni cəmiyyətində Azərbaycanın Diasporla İş üzrə Dövlət Komitəsinin fəaliyyəti, Azərbaycan diasporunun inkişafı, təşkilatlanma mexanizmi, Avropa və Amerikada genişlənən fəaliyyəti istər Ermənistanda, istərsə də dünyada yaşayan erməni diasporunun fəalları arasında ciddi narahatlıq yaratdığı müşahidə olunurdu. Erməni mətbuatında Azərbaycan diasporunun Avropada açdığı Qarabağ məktəbləri, koordinasiya şuraları və digər məsələlər barədə erməni mediası böyük bir əndişə ilə yazır, yeni bir cəbhənin – diaspor cəbhəsinin açılması ilə bağlı erməni politoloqları az qala həyəcan təbili çalırdı. Tovuz döyüşlərindən sonra isə son illər aparılan uzun bir hazırlıq prosesinin və görülən işlərin nəticəsi olaraq Azərbaycan diasporunun göstərdiyi birlik, həmrəylik əzmi erməni diasporunu çox ciddi problem qarşısında qoydu. Xatırladım ki, bu hadisələrdən sonra dünyanın 27 ölkəsində – beynəlxalq təşkilatların qarşısında, Ermənistan və Azərbaycan səfirliklərinin önündə, şəhərlərin mərkəzi küçə və meydanlarında siyasi mövqeyindən, baxışından asılı olmayaraq, ümumilikdə 25 mindən çox soydaşımızın iştirakı ilə 70-dən artıq aksiya keçirilib. Bu aksiyalarda ordumuza dəstək və Ermənistanın işğalçı siyasətinə etiraz şüarları səsləndirilib, dünya ictimaiyyətinin diqqəti Azərbaycan həqiqətlərinə cəlb olunub. Bundan başqa, 26 ölkədə yaşayan azərbaycanlılar 120-dən çox bəyanat yayıb, yaşadıqları ölkələrin dövlət və hökumət rəhbərlərinə, parlamentarilərə, beynəlxalq qurumlara müraciətlər edib, hətta sadə vətəndaşlara ünvanlanan məktub kampaniyası həyata keçiriblər.
 
Azərbaycan diasporunun mütəşəkkil, planlı, koordinasiyalı və ən əsası da həmin ölkələrin hüquq normaları çərçivəsində fəaliyyəti fonunda erməni diasporunun ortaya qoyduğu aqressivlik, soydaşlarımıza qarşı vəhşi davranışı onların əsl simasını üzə çıxardı və indiyədək formalaşdırdıqları “yazıq” imicini sarsıtdı, bir çox ölkələrdə insanlar erməni aqressivliyinin şahidi oldu.
 
Bundan başqa, Azərbaycan diasporunun qlobal şəbəkələrdə və mediada apardığı informasiya müharibəsində də göstərdiyi mütəşəkkillik qarşı tərəfdə “şok” effekti yaratdı. Soydaşlarımızın fəallığı nəticəsində 40 ölkədə 20 dildə 180 məqalə və xəbər çap edildi, sosial şəbəkələrdə #KarabakhisAzerbaijan, #StopArmenianaggression, #StopArmenianoccupation həştəqləri ilə həqiqətləri özündə əks etdirən 10 minlərlə informasiya paylaşıldı.
 
Bütün bunların məntiqi nəticəsi olaraq, Ermənistan rəhbərliyinin diaspor komissarlığında yüksək çinli məmurları işdən azad etməsi Azərbaycan diasporunun uğuru, erməni diasporunun uğursuzluğunun açıq etirafı kimi dəyərləndirilə bilər.
 
– Sizcə, edilən dəyişikliklərdən sonra, ölkədə və ölkə xaricində yaşadığı fiaskolardan sonra Ermənistan nəyəsə nail ola biləcəkmi?
 
– İstər ön cəbhədə, istərsə də diaspor cəbhəsində və informasiya savaşında üzləşdiyi uğursuzluqlar erməni diasporunu yeni məkrli planlar qurmağa sövq edəcək. Lakin güclü Azərbaycan dövləti və diasporu artıq 30 il əvvəlki deyil, dövlətimizin beynəlxalq aləmdə fəal rol oynaması, beynəlxalq əməkdaşlıqlara töhfə verməsi ilə paralel Azərbaycan dasporu da güclənir. Bu gün dünyanın ən nüfuzlu elm ocaqlarında, təhsil mərkəzlərində, nüfuzlü şirkətlərdə azərbaycanlı alimlər, mütəxəssislər çalışır, yaşadıqları ölkələrin elminə və mədəniyyətinə xidmət göstərir, eyni zamanda Azərbaycan həqiqətlərini təbliğ edir, ümumilli məsələlərdə birlik və həmrəylik nümayiş etdirir. Yəni biz haqlıyıq, işğalçının iç üzünü tanıdırıq dünyaya. İnanırıq ki, haqq səsimizi sivil dünya eşidəcək və ermənilərin bütün işğalçı planları yenə də boşa çıxacaq. Lakin hər bir halda biz ermənilərin məkrli planlarına, təxribatlarına hazır olmalı, ayıq-sayıqlığı əldən verməməli, fəaliyyətimizi daha planlı və səmərəli qurmalıyıq.
 
– Azərbaycanla dövlət sərhədinin Tovuz rayonu istiqamətində atəşkəs rejimini pozaraq hərbi təxribat törədən Ermənistan həm də xaricdə çalışdı ki, Azərbaycanın imicinə zərbə vursun. Ermənistanın bu niyyəti baş tutmadı. Əksinə xaricdə yaşayan ermənilər özlərini yenə vəhşi işğalçı qismində dünyaya tanıtdırdılar. Bunun təbliğatı üçün Diasporla İş üzrə Dövlət Komitəsi hazırda hansı işləri görür?
 
– Azərbaycanın torpaqlarını işğal etmiş, soydaşlarımıza qarşı soyqırımlar törətmiş, ASALA kimi terror təşkilatını yaratmış erməni xalqı maskalanaraq bütün dünyada özunə “əzilən” imici formalaşdırıb. Lakin Los-Anceles, Brüssel və digər şəhərlərdə onların azərbaycanlılara qarşı aqressiv hərkətləri dünyanı onların əsl simasından agah olmağa imkan verdi. Təəssüf ki, həmin hadisələr nəticəsində soydaşlarımız xəsarətlər aldı, xəstəxanalara düşəni də oldu. Diasporla İş üzrə Dövlət Komitəsi ilk növbədə həmin soydaşlarımızın hər biri ilə dərhal əlaqə saxlayaraq, onlara mənəvi dəstək oldu, Azərbaycan dövləti onların müalicə xərclərini öz üzərinə götürdü.
 
Eyni zamanda, ermənilərin heç bir qanuna, hüquqa sığmayan bu hərəkətlərinin həmin ölkələrin hüquq-mühafizə orqanları, şəhər rəhbərliyi tərəfindən araşdırılması və lazımı qiymətin verilməsi üçün diaspor fəallarımız indi aktiv iş aparır. Artıq erməni diasporunun mərkəzi sayılan Kaliforniya ştatının rəhbərliyi, buradakı digər icmaların nümayəndələri soydaşlarımızın yaralanması ilə nəticələnən erməni vəhşiliyini pisləyən bəyanatlarla çıxış ediblər. Komitə Azərbaycan diaspor təşkilatları və fəalları ilə birgə bu istiqamətdə fəaliyyətini davam etdirir. Yəni demokratiyanın beşiyi sayılan Amerikada, Avropanın siyasi mərkəzi olan Brisseldə insan haqlarının bu şəkildə tapdanmasına ən yüksək səviyyədə hüquqi qiymət verilməsi, soydaşlarımızın hüquqlarının qorunması üçün bütün imkanlardan istifadə edəcəyik.
 
– “Erməni lobbisi güclüdür” mifi artıq dağılıb. Sizcə erməni lobbisinin belə zəifləməsinin əsas səbəbləri nələrdir?
 
– Belə bir deyim var, haqq nazilər, amma üzülməz. Əvvəldə də qeyd etdiyim kimi bizim işimiz, mübarizəmiz və siyasətimiz haqqın, ədalətin bərpasına, bölgədə sülhün bərqərar olmasına, regionda yaşayan xalqların rigah halının yaxşılaşmasına, cənubi Qafqaz regionunun sabitlik və sülh məkanına çevrilməsinə xidmət edir. Ermənilərin apardığı təbliğat, yürütdüyü siyasət isə artıq dünyaya da bəllidir ki, bölgədə və beynəlxalq münasibətlərdə gərginliyin artırılmasına və nəhayət regiondakı xalqların dincliyinini pozulmasına yönəlib. Ona görə də erməni lobbisinin yalan və saxta təbliğatını dünya qəbul etmək istəmir və ya yaxın dövrlərdə tamamailə qəbul edilməyəcək. Digər tərəfdən, ölkə Prezidenti möhtərəm cənab İlham Əliyevin yhəyata keçirdi beynəlxalq siyasət nəticəsində formalaşmış Azərbaycan dövlətinin beynəlxalq nüfuzu, güclənən diasporumuzun bu işlərə qatqıları “güclü erməni mifini” tədricən sarsılmağa məhkum edir. Aəzrbaycanın iqisadiyyatının gün-gündən inkişafı, ölkə Prezidenti tərəfindən xarici dövlətlərdə yaşayan soydaşlarımıza ayırdığı diqqət və qayğı haqq səsimizin dünya ictimayətinə çatırılmasına bir başa təsir göstərən amillərdir. Həmçinin Ermənistandakı ağır iqtisadi vəziyyət, erməni diasporundakı parçalanmalar, dövlətlə diaspor arasındakı gərginlik digər bu kimi amillər də erməni diasporu və lobbisinin fəaliyyətinə mənfi təsirini göstərir.
 
– Bundan sonrakı fəaliyyətdə Diasporla İş üzrə Dövlət Komitəsi hansı məqamlara daha çox diqqət yetirəcək?
 
– Dünyadakı soydaşlarımızın birliyini qoruyub saxlamaq, daha da gücləndirmək, Azərbaycan həqiqətlərinin təbliğində xaricdəki alimlərimizin və gənclərimizin potensialından maksimum faydalanamaq, qlobal şəbəkələrədə informasiya savaşını daha da təkmilləşdirmək, xarici mətbuat orqanları ilə haqq səsimizin çatdırılması sahəsində əməkdaşlığı möhkəmləndirmək, soydaşlarımızın yerli cəmiyyətlərə inteqrasiyasını sürətəndirmək, onların dövlət sturkturlarında, beynəlxalq korporasiyalarda yer alması və möhkəmlənməsini dəstəkləmək, dost xalqların diasporu ilə əlaqələri genişləndirmək, lobbiçiliyin inkişafı istiqamətində fəaliyyəti maksimum səviyyəyə çatdırmaq qarşımızda duran hədəflərdəndir.
 
– Xaricdəki diasporumuz, əsasən də gənclərimiz Azərbaycan həqiqətlərini dünya ictimaiyyətinə çatdırmaq məsələsində nə qədər fəaldırlar? Bu fəallıq sonda nəyə gətirib çıxara bilər?
 
– Hazırda erməni xislətinin ifşasında ən effektli silah olan onlayn platforma genişlənir. Azərbaycan Diaspor Könüllülərinin təşəbbüsü ilə yaradılan “Qarabağ Azərbaycandır!” Youtube kanalı, “Karabakh is Azerbaijan” facebook səhifəsi Azərbaycan həqiqətlərini dünya ictimaiyyətinə çatdırır. Azərbaycanlı gənclər müxtəlif onlayn platformalarda informasiya savaşının önündə olmağa çalışır.
Biz intellektual və mədəni potensialı olan, sülhpərvər, Avropa və ümumbəşəri humanist dəyərləri daşıyan bir xalq olduğumuzu dünyaya göstərməkdə davam edəcəyik və bu işdə gənclərimizin gücünə, mübarizliyinə arxayınıq. Birinci vitse-prezident Mehriban xanım Əliyevanın da soydaşlarımıza müraciətində söylədiyi kimi “Qoy, heç kim şübhə etməsin ki, heç bir provokasiya bizi haqq yolundan dönməyə məcbur edə bilməz. Biz milyonlarlayıq, bizim bir məqsədimiz var – Vətəni müdafiə etmək, onun ərazi bütövlüyünü və tarixi həqiqəti bərpa etmək. Ona görə ki, Qarabağ Azərbaycandır və nida işarəsi!”

 

Ermənistan dövləti cənubi Qafqazda özü böyük minadır -Əziz Ələkbərov və BAMF-ın rəhbəri Umud Mirzəyevlə müzakirə

Xəbər xətti

Rusiyanın Ukrayna bufer zona yaratmaq planı
Rusiyanın Ukrayna bufer zona yaratmaq planı
09:51 19.03.2024
Bakıda qadın dəm qazından boğularaq ölüb
09:40 19.03.2024
Bayram günlərində təcili tibbi yardım stansiyaları gücləndirilmiş iş rejimində çalışacaq
09:33 19.03.2024
Sabunçu rayonunda marketin anbarında yanğın olub
09:31 19.03.2024
Pakistanda zəlzələ baş verib
Pakistanda zəlzələ baş verib
09:27 19.03.2024
Sabahdan Novruz tətili başlayır
Sabahdan Novruz tətili başlayır
09:19 19.03.2024
Səhiyyə Nazirliyi viruslarla bağlı əhaliyə müraciət etdi
09:16 19.03.2024
Mehriban Əliyeva İlaxır çərşənbə ilə bağlı paylaşım edib
09:10 19.03.2024
Bakı Şəhər Dövlət Yol Polisi İdarəsi mövcud hava şəraiti ilə bağlı hərəkət iştirakçılarına müraciət edib.
Bakı Şəhər Dövlət Yol Polisi İdarəsi mövcud hava şəraiti ilə bağlı hərəkət iştirakçılarına müraciət edib.
09:00 19.03.2024
Rusiya bu təklifimizə "hə" desə... - ABŞ
06:58 19.03.2024
Sabah Avroparlamentdə Aİ-nin genişlənməsi müzakirə ediləcək
05:00 19.03.2024
Goranboyda mağazadan oğurluq olub
04:48 19.03.2024
Ramazan ayının 9-cu günü: Dua, imsak və iftar vaxtı...
03:30 19.03.2024
Göyçayda kənd yolu əsaslı təmir olunub
02:29 19.03.2024
Aİ-dən BƏYANAT: Rusiyadakı seçkilər ciddi məhdudiyyətlər şəraitində keçirilib
01:00 19.03.2024
Şimali Koreya Rusiyaya 7 min konteyner silah göndərdi
00:11 19.03.2024
Gəncədə iki nəfər mübahisə zəminində bıçaqlanıb
23:45 18.03.2024
Avropa Sülh Mexanizminin maliyyə tavanı 17 milyard avrodan çox olacaq
23:24 18.03.2024
Attraksionlara nəzarət gücləndirildi
23:00 18.03.2024
İstanbul NS-də həkim səhlənkarlığı: qadın öldü
22:38 18.03.2024
Pakistan Əfqanıstanla sərhəd bölgələrində antiterror əməliyyatları keçirib
22:22 18.03.2024
"Neftçi" - "Spartak" matçının biletləri satışda
22:00 18.03.2024
NATO ilə Azərbaycan arasında yeni çərçivə sənədinin razılaşdırılması üzərində iş aparılır
21:47 18.03.2024
Ciddi əlavə təsirləri aşkarlanan dərmanlar haqqında bildirişlərin göndərilmə vaxtı uzadılır
21:39 18.03.2024
"Qarabağ"ın baş məşqçisi cəzalandırılıb
21:22 18.03.2024
Xüsusi təyinatlı təhsil müəssisələrində Çanaqqala zəfərinin 109-cu ildönümü qeyd edilib
21:00 18.03.2024
Bakı Dəmiryol Vağzalında dəmiryolçular üçün göz müayinəsi aksiyası təşkil edilib
20:44 18.03.2024
Dərman vasitələrinə farmakonəzarət üzrə məlumat və hesabat sənədləri türk dilində təqdim ediləcək
20:22 18.03.2024
Müdafiə naziri Novruz bayramı münasibətilə Azərbaycan Ordusunun şəxsi heyətini təbrik edib
19:57 18.03.2024
Hikmət Hacıyev: “Azərbaycan ilə Çin arasında ənənəvi dostluq və tərəfdaşlıq münasibətləri var”
19:54 18.03.2024
Azərbaycan-İraq iqtisadi əlaqələrinin mövcud vəziyyəti müzakirə olunub
19:50 18.03.2024
Bərdədə it dişləyən azyaşlının SON VƏZİYYƏTİ
19:39 18.03.2024
Fransada fermerlər hökumət binaları qarşısına təkər yığıblar
19:20 18.03.2024
Zakir Həsənov: Azərbaycan Ordusu azad edilmiş ərazilərdə öz mövqelərini möhkəmləndirir
19:04 18.03.2024
Beynəlxalq Münasibətlərin Təhlili Mərkəzinin işçilərinin sayı ARTIRILIB
19:00 18.03.2024
Azərbaycanda bir neçə müntəzəm avtobus marşrutu müsabiqəyə çıxarılır
18:40 18.03.2024
RİNN DGK-dan ölkəyə gətirilən radioelekton vasitələr barədə məlumat alacaq
18:20 18.03.2024
Azərbaycan Premyer Liqasının klubları cərimələnib
18:08 18.03.2024
Rusiya ilhaqından sonra Krımda nələr dəyişib?
Rusiya ilhaqından sonra Krımda nələr dəyişib?
18:00 18.03.2024
Məşhur aktyor Afrikada şəhər tikəcək
Məşhur aktyor Afrikada şəhər tikəcək
17:45 18.03.2024
Hamısı