Türkiyə Milli Müdafiə Nazirliyi əl əməyi göz nuru olan 115 cüt corabı Mehmetciklərə hədiyyə edən 117 yaşı olan Zeliha nənəni evində ziyarət edib. 

 

Eurasia Diary bu xəbəri Milli Müdafiə Nazirliyindən verilen məlumata istinadən verir. 

 

“Yalova şəhərinin Çiftlikköy mahalında yaşayan Zeliha Barlas yaşı 100-dən çox olmasına baxmayaraq toxuduğu bir-birindən gözəl, rəngli corabları Mehmetciklərimizə hədiyyə edib. Zeliha nənənin bizi duyğulandıran məktubundan sonra Milli Müdafiə Nazirliyi olaraq onu evində ziyarət etdik və hədiyyə etdiyi 115 cüt yun coraba görə Zeliha nənəmizə təşəkkür etdik”, - məlumatda bildirilib.

 

Z.Barlas onu ziyarətə gələn Milli Müdafiə Nazirliyinin hərbçilərinə “Xoş gəlmisiniz. Allah sizə uzun ömür versin. Allah sizdən razı olsun. Xoş günlərdə geyinsinlər. Allah ayaqlarınıza daş dəydirməsin”, - deyib.

 

Milli Müdafiə Nazirliyi hədiyyə etdiyi əl əməyi göz nuru corablara görə Zeliha nənəyə bir daha minnətdarlığını bildirib, ona xoşbəxt və sağlam uzun ömür diləyib.

 

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary