05 fevral tarixində "Cığır" mənəvi dəyərlərin inkişafına dəstək ictimai birliyinin "Gənclər və yeniyetmələr arasında oxu mədəniyyətinin təşviqi" layihəsinin açılış mərasimi baş tutub.
Ednews xəbər verir ki, GYF-nin konfrans zalında baş tutan açılış mərasimində "Cığır" MDİD İB-nin idarə heyəti, Mədəniyyət Nazirliyinin nümayəndəsi, Milli Elmlər akademiyası işçiləri, "Parlaq imzalar", "İpək yolu" "Kitabçı" kitab evi, "Teas press", "Libra" nəşriyyatının nümayəndələri, yazıçılar Əziz Sultan, Amin Sükut, kitabxana işçiləri, "Eurasia diary" mətbuat orqanı və onlarla könüllü gənclər iştirak edib.
Mərasimdə qonaqlar müxtəlif rayonlarda icrası nəzərdə tutulmuş layihənin həyata keçirilmə mərhələləri ilə tanış olub, ideya və təəssüratlarını bölüşüblər.
"Cığır" MDİD İB-nin 2015-ci ildən bəri mütəmadi olaraq təşkil etdiyi müxtəlif oxu layihələri, müsabiqələri video-çarxlarla izləyicilərə təqdim edilib. Layihə təşkilatçıları Yeganə Mirzəyeva, Sevinc Məmiyeva, Gülnar Rüstəmova, Günel Ələkbərova, İmdad Kərimli, Elbəy Əliyev layihənin müxtəlif qolları üzrə iş və layihənin ölkəmiz üçün əhəmiyyəti haqqında qonaqları məlumatlandırıb.
Tədbir mərasim iştirakçılarının oxu mədəniyyətinin gənclər və yeniyetmələr arasında təşviqinin uğurla həyata keçirilməsi haqqında nitqlərindən sonra son çatıb.
Qeyd edək ki,"Cığır" İB-yi QHT agentliyi müsabiqəsində kiçik qrant mükafatına layiq görülüb.
