Hər kəs darçının ədviyyat kimi istifadə edir. Yeməklərə xüsusi dad verən darçının həm də bolluq bərəkət simvolu olduğu zənn edilir.
Teta-şəfaçıların əksəriyyəti darçının sehrli gücə malik olduğunu düşünürlər.
Bəs, darçının sehrli gücü nədir və ondan düzgün necə istifadə etmək olar?
Darçınla gələn bolluq...
Bəzi inanclara görə pul qabına darçın çubuğu qoyduqda pulun bərəkəti artır. Belə ki, pulqabıdan gələn ətirli darçın qoxusu pulu insana daha çox çəkir.
Teta şəfaçı Banu Rəsulzadənin sözlərinə görə darçın qadın və pul enerjisi ilə zəngindir. O, oxucular üçün darçınla xüsusi ritual da tövsiyyə edir:
“Hər ayın ilk günü sağ əlinizin ovucuna üç çay qaşığı darçın tozu qoyun və ovucunuzu bağlayın. Ev və iş yerinizin giriş qapısında çöl tərəfdən durub, içəri girirmiş kimi bu sözləri təkrar edin:
-Bu darçını üflədiyim zaman rifah bu evə girəcək.
-Bu darçını üflədiyim zaman bolluq qalıcı olaraq gələcək.
-Bu darçını üflədiyim zaman bərəkət bu evdə yaşayacaq.
-Bu darçını üflədiyim zaman pul bu evə axın edəcək.
Bu cümlələri ən azı üç dəfə təkrarlayın və darçını evin qapısına tərəf üfləyin. Tozları yerdə 24 saat qaldıqdan sonra süpürün”.
Bəs darçın daha hansı keyfiyyətlərə məxsusdur?
Banu Rəsulzadə darçının keyfiyyətlərindən də danışıb.
“Meditasiya etdiyimiz zaman darçın çubuğunu yandırdıqda beyində zənginlik neyronu oyanır. Bu isə sadəcə zənginlik deyil, qadınların enerjisini də artırır. Belə ki, yanarkən onun içərisində olan maddədən çıxan qoxu qadınların enerjisini aktivləşdirir.
Qadın enerjisinin artması isə istər kişidə, istərsə də qadında zənginliyin artması deməkdir.
Bir sözlə, qadının enerjisi yoxdursa, onun həyat yoldaşı da zənginliyə və uğura bir o qdər uzaq olur. Bu cəhətdən də darçını şans bitkisi kimi istifadə edirlər”,-deyə o bildirib.
İstənilən halda darçını tapmağın asan olduğunu bildirən Banu Rəsulzadə onu təkcə pul çəkmək üçün deyil, uğur, xoşbəxtlik, sevgi üçün də yararlı olduğunu bildirib:
“Darçını çox yerdən tapa bilərsiz. Əgər tapa bilməsəz onu dəfnə yarpağı ilə də əvəzləmək olar. Sağ əlinizə ya darçını ya da dəfnə yarpağını alıb ürəyinizin üstünə qoyun və “Səni həyatıma zənginlik üçün çəkirəm, səni həyatıma sevgi üçün çəkirəm, səni həyatıma xoşbəxtlik üçün çəkməyi niyyət edirəm”- deyib yeməyinizdə, içdiyiniz suda və s istifadə edin”.
Ləman Abbaslı
