Bakı şəhərində tikinti şirkətlərinin birinin sahibi inşaat işlərinin polis tərəfindən qanunsuz olaraq saxlamasını iddia edib.
Ednews xəbər verir ki, bu barədə “Inteks" MMC-nin əməkdaşları redaksiyaya etdikləri şikayətləri zamanı bildirib.
Onlar qeyd ediblər ki, aprel ayının 27-də Bakı Şəhər Nizami rayon 25 saylı Polis bölməsinin əməkdaşı şirkətin Nizami rayonu Ş.Mirzayev küçəsində inşa edilan "Komfort" yaşayış kompleksində heç bir əsas olmadan tikinti işlərinin dayandırlmasını tələb ediblər. İddiaya görə, polis xəbərdarlıqdan sonra tikintinin mühafizəçisini avtoçmobilə mindirərək, bölməyə aparıb və bir neçə saat ərzində orada saxlanılıb. Daha sonra isə o, 101 AZN məbləğində Azərbaycan Respublikasının CM-nin 510-cu maddəsi (Xırda xuliqanlıq) ilə cərimə edildikdən sonra sərbəst buraxılıb. Bundan başqa şirkətin digər əməkdaşı da eyni qaydada bölməyə aparılaraq 1 sutka ərsində bölmədə saxlanılıb. O da digər əməkdaş eyni maddə ilə 101 manat məbləğində cərimələnib. İddiaya görə vətəndaşlara yazılan inzibati carimə məcburi qaydada elə yerindəcə ödətdirilib.
Şikayətçilər bildiriblər ki, hadisə zamanı əməkdaşlar tərəfindən polisə qarşı heç bir xuliqanlıq hərəkətlərinə yol verilməyib.
Şikayət məktubunun sonunda şirkət əməkdaşları qeyd edib ki, qanunvericiliyin tələbinə görə, tikinti işlərinin dayandırılması səlahiyyəti yalnız rayon icra hakimiyyətlərinin səlahiyyətindədir.
“Bu artıq 6 aydır ki, davam edir, polis bizə inşaat işlərini davam etdirməkdə maneçilik törədir. Bu səbəbdən tikintinin yubanması yerli sakin və alıcılar tərəfindən narazılıqlara səbəb olub.
Bu isə pilot layihə üzrə AR Nazirlər kabinetinin 2016 ci il tarixli 86 saylı qərarının icra etməyi mümkünsüz edir və bizim işgüzar nüfuzumuza xələl gətirir. Azad sahibkarlığın hayata keçirilmasi prinsipini şübhə altına qoyur”.
