Bakının Binəqədi rayonunda ağır yol qəzası zamanı ikisi azyaşlı olmaqla dörd nəfər xəsarət alıb.
Ednews xəbər verir ki, hadisə Şamaxı şosesində qeydə alınıb.
Şosenin Sulutəpə qəsəbəsi ərazisinə düşən hissəsində yolu keçən 1981-ci il təvəllüdlü Abdulxalıqov Ceyhun Babaverdi oğlu, onun həyat yoldaşı, 1988-ci il təvəllüdlü Abdulxalıqova Suğra Fərzalı qızı, övladları - 2011-ci il təvəllüdlü Abdulxalıqov Yusif və 2009-cu il təvəllüdlü Abdulxalıqova Fatiməni “Toyota” markalı maşın vurub.
Yaralılar Kliniki Tibbi Mərkəzə yerləşdiriliblər. APA.az-ın məlumatına görə, ana və oğlunun vəziyyəti ağırdır.
Faktı Binəqədi Rayon Polis İdarəsinin əməkdaşları araşdırırlar.