Statsitikaya görə, hər il hava limanında 25 milyon çemodan itir. Bundan başqa əsasən daşıma zamanı çox vaxt çemodanlar hava limanı işçiləri tərəfindən nizamsız və məsuliyyətsiz formada təyyarə baqajına yığıldığı üçün zədələnir və ya sınır.
Ümumiyyətlə sındırılan, itiriən çemodanlara görə, kompensasiya ödənilməlidirmi? Məsələnin maraqlı tərəfi isə bunun hava limanı, yoxsa daşıyıcı şirkət tərəfindən ödənilməlisidir.
Məsələ ilə bağlı AZAL ilə əlaqə yaratmağa çalışsaq da sorğumuz cavabsız qaldı. Qurumun mətbuat xidmətindən suallarımızın aidiyyatı şöbəyə yönləndiriləcəyi barədə desələr də, çox təəssüf ki, heç bir cavab ala bilmədik.
Məsələ ilə bağlı Ednews-a danışan təhlükəsizlik eksperti Elmar Nurəliyev isə qeyd edib ki, elə hava daşıyıcı şirkətlər var ki, öz sərnişinlərinə bir sıra qaydalar qoyurlar.
“Məsələn, bir sıra şirkətlər sərnişinlərə çemodanlar üçün xüsusi plastik lentlərlə sarmağı tələb edir. Özümüz də müşahidə etmişik ki, bu çemodanlar sarılmadıqda bəzi sınma, qırılma kimi problemlər yaranır.
Əgər əşya qırılıbsa, sərnişin hava limanını tərk etmədən öncə bu barədə anket doldurmalıdır. Əgər verilən müddət zamanı müştəriyə kompensasiya ödənlməzsə, vətəndaş məhkəməyə müraciət edə bilər. Nəticədə dəymiş ziyana görə təzminat ala bilər. Burada vətəndaş bu məlumatları bilməlidir”.
Ekspert bildirib ki, bəzən buna səbəb hava limanının işçisi yox, digər sərnişinlər olur .
“ Elə olur ki, baqaj paylanılan zaman sərnişin səhv edərək başqa bağlamanı götürür. Sonradan bunu bildikdən sonra necə gəldi, çemodanı ora atır. Nəticədə çemodan zədələnir, sınır. İstənilən halda əgər əşyalara zərər dəyibsə buna mütləq şəkildə şirkət təzminat ödəməlidir. Əks-halda təbii ki, zərərçəkən şəxs məhkəməyə müraciət edərək bu problemi həll edə bilər”.
Ekspert son olaraq qeyd edib ki, dünyanın bir çox yerlərində bu belədir.
“Nəinki itmiş, sındırılmış məhsullar, eyni zamanda gecikmə kimi hallara görə də insanlara təzminat ödənir. Bizim ölkədə də bu kimi məsələlərə ciddi yanaşsalar yaxşı olar”.
Ayan Rzayeva