Gələn il yanvarın 1-dən Azərbaycana idxal edilən tropik meyvələr 15 faiz gömrük rüsumundan azad edilir. Nazirlər Kabinetinin qərarı ilə Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələrində edilən dəyişiklikdə əksini tapıb. Beləliklə, 1 yanvar 2024-cü ildən qüvvəyə minəcək qərar 31 dekabr 2030-cu ilədək qüvvədə olacaq.
Bəs, bu xaricdən idxal edilən sitrus meyvələrin qiymətinə təsir edəcəkmi? Qiymətlərində hər hansı ucuzlaşma baş verəcəkmi?
Məsələ ilə bağlı iqtisadçı Eyyub Kərimli Ednews-a danışıb.
Onun sözlərinə görə, bu tədbir nəticəsində xaricdən gələn meyvələrin qiymətlərində ucuzlaşma olacaq.
“Belə ki, tropik meyvələr 15 faiz gömrük rüsumundan azad olunması müsbət bir haldır. Bu qiymətlərin ucuzlaşmasına təsir edəcək. Həmçinin, bu tədbir nəticəsində digər meyvələrin qiymətinin enməsi üçün zəmin yaradacaq. Sözsüz ki, yerli meyvələrdə də öz təsirini göstərəcək. Bildiyimiz kimi Azərbaycanın cənub bölgəsində də tropik meyvələr yetişir. Sözsüz ki, xaricdən gələn meyvələrin qiyməti aşağı düşməsi yerli meyvələrin qiymətin də təsir edə bilər. Tərəvəz məhsullarına isə bu qiymət enməsi təsir etməyəcək”.
Aysel Şahmar
.jpg)
