İyunun 25-də Nazirlər Kabinetinin nəqliyyat vasitələrinin parklanması üçün ödəniş məbləğini təsdiq etməsi bir çox təzadlı fikirlər yaradıb. Mövzunu müzakirəyə çıxaranların bir qismi qərarın doğru olduğunu və bunun qanunsuz parklanmanın qarşısını almaqda çözüm yolu kimi görüb. Digər qisim isə qərarın vəziyyətə təsir etməyəcəyini bildirib.
Nəqliyyat məsələləri üzrə ekspert Aslan Əsədov qərarı müsbət qiymətləndirib. O, Ednews-a bildirib ki, Parklanma tətbiq olunursa orada vahid həll məsələləri işləyəcəkdir.
“Düzdür, yeni tariflər vətəndaşlar üçün müəyyən çətinlik yaradacaq. Ancaq inanıram ki, problemlərin həlli özünü çox gözlətməyəcək. Haradasa uyğunlaşana qədər vətəndaşlar arasında diskussiyalar, müzakirələr yaranacaq”.
Ekspert qeyd edib ki, ödənişli və ya ödənişsiz parklanmadan asılı olmayaraq mütləq şəhərin müxtəlif ərazilərində aidiyyatı qurumların tabeçiliyində olan ərzilərdə belə parklanma yaradılmalıdır.
Qeyd edək ki, Nazirlər Kabinetinin iyunun 25-də təsdiq etdiyi “Nəqliyyat vasitələrinin parklanmasına görə ödənişin məbləği”nin təsdiq edilməsi haqqında qərarına görə, paytaxt Bakı, Sumqayıt və Gəncə şəhərlərində qiymətlər müəyyən edilib. Həftənin bazar günləri isə dövlətə məxsus parklanma yerlərində avtomobillərin park edilməsi ödənişsiz olacaq.
Aynurə İsmayıl
