Bu ilin iyul ayı hava və iqlim baxımından tarixin ən isti ayı kimi yadda qalacaq.
Ednews xəbər verir ki, bu barədə BMT-nin ixtisaslaşmış qurumu olan Ümumdünya Meteorologiya Təşkilatı (WMO) məlumat yayıb.
Məlumata görə, iyulun ilk üç həftəsi tarixdə ən isti üç həftəlik dövr olub.
Bildirilib ki, yüksək temperatur Şimali Amerika, Asiya və Avropanın böyük hissələrindəki istilik dalğaları ilə əlaqəlidir.
“Ayın ilk 23 günü ərzində Yer səthinə yaxın havanın orta temperaturu 16,95 dərəcə selsi təşkil edib ki, bu da bütün 2019-cu ilin iyul ayı üçün qeydə alınan 16,63 dərəcə selsidən xeyli yüksəkdir”, - deyə məlumatda bildirilib.