“Azərbaycan qadını bu ölkənin vətəndaşı və eyni zamanda seçicisidir. Qalib xalqın vətəndaşı, qalib xanımlarıq. Seçici kimi öz hüquqlarımızı bilir və bilməliyik”.
Ednews xəbər verir ki, bu sözləri “Bərabər İnkişaf Naminə” Koalisiyanın rəhbəri Gender və İqtisadiyyat İB-nin sədri Təranə Kərimova Ailə, Qadın və Uşaq Problemləri üzrə Dövlət Komitəsinin facebook səhifəsində canlı yayımında “Qadınların seçkilərdə fəallığının yüksəldilməsi” mövzusunda müzakirəsi zamanı deyib:
“ Ailə, Qadın və Uşaq Problemləri üzrə Dövlət Komitəsinin sədri Bahar Muradova dəyirmi masada bu mövzuda çox maraqlı fikirlər səsləndirdi. 7 fevral prezident seçkilərində öz hüquqlarımızdan istifadə etməliyik. O məsuliyyəti dərk etməli, seçki məsuliyyətini dərk edib sandıq başına gəlib layiqli namizədə səs verib, bütün imkanlardan istifadə etməliyik. Cəmiyyətin üzvləri olaraq biz öz hüquqlarımızı yaxşı bilirik. Biz deyəndə, bütövlükdə Azərbaycan qadınlarını nəzərdə tuturam. İstisnasız olaraq bütün sahələrdə çalışan Azərbaycan qadınları eyni zamanda seçki hüuquna malik olan vətəndaşlardır”.
Qeyd edək ki, Ailə, Qadın və Uşaq Problemləri üzrə Dövlət Komitəsinin sədri Bahar Muradova təmsil etdiyi qurumla Mərkəzi Seçki Komissiyasının birgə təşkilatçılığı ilə keçirilən qadınların seçkilərdə fəallığının yüksəldilməsinə həsr olunan dəyirmi masada çıxış edərkən bildirib ki, Vətəndaş hüquqlarından istifadə edərək seçkidə hər kəsin iştirakına dəstək verməyi hədəfləyirik:
"Ona görə də hamı öz öhdəliyini yerinə yetirməlidir. Biz qadınların ictimai siyasi proseslərdə aktiv iştirak etməsini arzulayırıq. Onların seçkidə iştirakını təşviq etmək bizim öhdəliyimizdir".
Oğuz
