"Beynəlxalq Avrasiya Mətbuat Fondunun müşahidəçi komandası Xocalı, Əsgəran, Şuşa, Xankəndi seçki məntəqələrində müşahidə fəaliyyətini davam etdirir. Bunlar 106 saylı Xocalı rayonu seçki məntəqəsində, 107 saylı Əskəran seçki məntəqəsi, 105 saylı Şuşa şəhərinin 1 nömrəli tam orta məktəbində yerləşən seçki məntəqəsi və 122 saylı dairənin Xankəndidə yerləşən 14 saylı seçki məntəqələrində müşahidə aparılıb".
Bu barədə Ednews-a açıqlamasında BAMF prezidenti Umud Mirzəyev məlumat verib. Onun sözlərinə görə, 31 ildən sonra işğaldan azad edilən ərazilərdə vətəndaşlar seçkilərdə aktiv şəkildə iştirak edirlər.
"31 dairədə BAMF-ın müşahidəçi komandası missiyasını davam etdirir. Seçicilərdə aktivlik müşahidə edilir. Bu gün Azərbaycan tarixində yadda qalan gündür. BAMF-ın müşahidəçilik fəaliyyəti vahid bir mərkəzdən koordinasiya olunur. Eyni zamanda müşahidəçilər respublika ərazisi üzrə ölkənin bütün yerlərində müşahidə aparır. Azərbaycan üçün çox böyük və tarixi bir hadisədir. Nəzərə almaq lazımdır ki, bu seçkilər həm də ərazi bütövlüyü və suverenliyinin təsdiqi deməkdir. Hazırda seçki şəffaf və obyektiv şəkildə davam edir. Olduğumuz məntəqələrdə xeyli sayda beynəlxalq müşahidəçilər var. Onlarla görüşüb fikir mübadiləsi apardıq".
Qeyd edək ki, BAMF prezident seçkilərində 50 nəfər bitərəf müşahidəçi komandası ilə təmsil olunur.
Oğuz