Əməkdar incəsənət xadimi, bəstəkar Cavanşir Quliyev xəstəliyindən danışıb.
Ednews xəbər verir ki, bu haqda bəstəkar “AzTV xəbər” informasiya proqramına müsahibə verib.
5 milyonda bir insanda rast gəlinən nadir xəstəlikdən əziyyət çəkdiyini söyləyən bəstəkar Heydər Əliyev Fondunun dəstəyi ilə Türkiyədə ürəyindən, daha sonra isə beynindən əməliyyat olunduğunu açıqlayıb:
“Nadir görünən hadisə ilə üzləşdim. Müəmmalı bir şey idi. Səhər qəfildən yıxılmışam, xəstəxanaya aparılmışam. Nadir görünən bir şey yaşanıb. Dedilər ki, ürək və beyin böhranı eyni anda olub. Sol ayağım güclü ağrıyırdı. Həkimlər səbəbi tapa bilmirdi. İndi bir ay sonra yenidən Türkiyəyə müayinəyə gedəcəyəm. Dövlətim, hökumətim məni yenidən həyata gətirdi. Çünki şikəst qalma ehtimalım var idi”.
