“Mən öldüm, xeyr! Bu, mənim hekayəmin nəsr xülasəsi deyil. Mən yenidən doğulmuşam”. 

Ednews  xəbər verir ki, bu sözləri özünün Facebook hesabında səhhətində problem yarandığı üçün Mərkəzi Gömrük Hospitalına yerləşdirilən və sağalaraq ötən gün evə buraxılan Azərbaycan Yazıçılar Birliyinin katibi, Xalq yazıçısı Çingiz Abdullayev qeyd edib. 

Onun sözlərinə görə bir dəfə ölən ikinci dəfə ölməkdən qorxmaz:

“Ölümü necə təyin etmək olar? Bütün daxili orqanlar eyni vaxtda fəaliyyətini dayandırdıqda tənəffüs və ürək dayanır. Bir neçə dəqiqəlik belə koma və ya kliniki ölüm insanı “tərəvəz”ə çevirir. Həkimlər çəkdi məni o biri dünyadan, Allahın mənə yazığı gəldi. Ola bilsin ki, mənim üçün çox tez olduğuna qərar verdi. 

Bu, bir neçə gündə yaxınlarıma və ailəmə çəkdirdiyim ağrıları təsəvvür etmək qorxuncdur. Hər kəsə təşəkkür etmək istəyirəm! Prezidentim, bütün dostlarım, tanışlarım, oxucularım və ümumiyyətlə mənə yad insanlar... Bu günlərdə kimlər mənlə maraqlanırdı, onların hamısına təşəkkür edirik! Mən sizin etimadınızı doğrultmağa çalışacağam. Mən artıq orada olmuşam. İndi heç qorxmuram. Bir dəfə ölən ikinci dəfə ölməkdən qorxmaz. Ancaq vaxtınızı ayırın. Yəqin ki, hər birimizin öz son müddəti var”.