Bu gün Əl-Cəzirə Tədqiqatlar Mərkəzinin tədqiqatçısı Thembisa Fakude Beynəlxalq Avrasiya Mətbuat Fondunun ofisini ziyarət edib. 
Fondun şəxsi heyəti ilə  tanış olan  “Əl-Cəzirə” nümayəndəsi daha sonra “EDnews” xəbər portalının əməkdaşları və təcrübəçiləri ilə tanış olub, onlarla müasir mətbuatın vəziyyəti haqqında söhbət aparıb.

Əvvəlcə BAMF-ın fəaliiyyətiylə qonağını tanış edən   Fondun Prezidenti  Umud Mirzəyev “Əl-Cəzirə” ilə rəhbərlik etdiyi təşkilatın əməkdaşlıq tarixindən bəhs edib, konflikt zonalarındakı vəziyyəti qərəzsiz,siyasiləşdirmədən,obyektiv şəkildə əks etdirdiyi üçün “Əl-Cəzirə”-yə təşəkkür edib. U.Mirzəyev xüsusilə qeyd edib ki, bu cəhəti  “Əl-Cəzirə”-ni BAMF üçün arzulanan partnyor edən əsas səbəbdir.

U.Mirzəyevdən sonra söz alan qonaq əvvəlcə xoş qarşılama üçün başda BAMF Prezidenti Umud Mirzəyev olmaqla BAMF heyətinə təşəkkürünü bildirib, daha sonra BAMF ilə əməkdaşlıqdan məmnuniyyətini dilə gətirib.

Daha sonra Azərbaycan haqqında elektron məlumat bazalarında təqdim olunan informasiyalarla reallıq arasındakı fərq və bu fərqin səbəblərindən danışıb. 

Daha sonra isə “Əl-Cəzirə” nümayəndəsi BAMF təcrübəçilərinə və gənc jurnalistlərə müasir mətbuatın hazırki vəziyyətindən danışıb, müasir təbliğat vasitələrindən və informasiyaların süni intellektlərin məlumat bazasına inteqrasiyasının vacibliyini vurğulayıb. 

T.Fakude Azərbaycan həqiqətlərinin süni intellektlərin məlumat bazasına inteqrasiyası yolunda yazılı-elektron mətbuatdan istifadənin əhəmiyyətini xüsusi qeyd edib, bu prosesdə gənc jurnalistlərin  üzərinə məsuliyyətli missiya düşdüyünü bildirib.

Sonda T.Fakude görüş iştirakçıları ilə xatirə şəkli çəkdirib.