Şəhidlərimizə biz hörmət etməsək, heç kim etməyəcək - EKSKLÜZİV | Eurasia Diary - ednews.net

22 Fevral, Şənbə


Şəhidlərimizə biz hörmət etməsək, heç kim etməyəcək - EKSKLÜZİV

Ekspert rəyi A- A A+

20 Yanvar faciəsinin 30-cu ildönümünə hazırlaşırıq.

Allah bütün şəhidlərimizə rəhmət etsin!

Amma hər gün rastlaşdığım bir mənzərə məni çox narahat edir. Şəhidlərimizə olan sevgimiz, sayqımız tək anım günü deyil, hər gün olmalıdır. Hindistanlıların sonuncu hərəkətlərindən başqa bu kimi hadisələrin şahidi olmayaq, deyə hər birimiz Şəhidlər Xiyabanına ciddi nəzarət edilməsini tələb etməliyik.

Əvvəla, çox yaxşı olardı ki, Xiyabanda kameralar olsun, girişdə gül kioskuna bənzər yerdə Şəhidlərimiz haqqında və ümumiyyətlə 20 Yanvar və Qarabağ müharibəsi qurbanları haqqında bir neçə dildə kitabçalar-bukletlər qoyulsun. Yəni, ziyarətə gələn turistlər və bütün ziyarətçilər Xiyabanda uyuyan şəhidlərimiz və hadisələr haqqında məlumatlı olsunlar. Həmin bukletlər gələn turistlərə və vətəndaşlara pulsuz paylanmalıdır.

Girişdə ən azı 2 dildə belə bir lövhənin olması yaxşı olardı. Bəzən xarici vətəndaşlar hər hansı bir şəhidimizi ziyarət etmək üçün istədikləri məlumatı tapa bilmirlər. Bu haqda məlumatlanma çox zəifdir. Bu qədər layihələr verilir amma uzun illərdirki,belə vacib məsələlər layihə çərçivəsində görünmür.

Dəfələrlə şahidi olduğum bir mənzərə var ki, qəbirlərin üzərinə qoyulan çox sayda süni güllərin küləkli havada ətrafa səpələnməsi və tullantıya çevrilməsidir. Fikrimcə, süni güllər yığışdırılmalıdır. Belə daha səliqəli görünərdi.

Bu kimi məsələlərə ciddi nəzarət olmalıdır. Belə olan halda Şəhidlərimizin ruhu da şad olar.

Image result for Sosioloq Zəminə Səfərova

Sosioloq Zəminə Səfərova  

 

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...