Hər nə qədər dünya inkişaf etsə də hələ də dünyanın dörd bir yanında yaşayan, qəbilələr mövcuddur. Əsrlər boyu öz adət-ənənələrini saxlayan bu qəbilələr bugün də öz tarixini qoruyur. Oxuduğunuz zaman sözün əsl mənasında təəccübünüzə səbəb olacaq qəbilələrin adətləri həm də içinizə qorxu sala bilmə potensialına da malikdir.
Ednews oxucularına sözügedən qəbilələr haqqında maraqlı faktları təqdim edir:
Papua-Yeni Qvineya qəbilələri
Papua Yeni Qvineyanın dağlarında yaşayanlar qəbilələrindəki mərhumun səlahiyyətlərini daşımaq üçün illərdir maraqlı üsuldan istifadə edirlər. Belə ki, ölən şəxsin ayaq, diz və dirsəklərində deşiklər açılır, sonra isə meyiti uyğun yerdən asırlar. Daha sonra bədəndəki bütün piylər çıxarılır və mərhumun ailəsinə verilir. Mərhumun bədənindən əldə olunan yağı əvvəlcə bədənlərinə çəkirlər, qalanını isə sonra yeməklərinə qatırlar. Onların bunu etməkdə əsas məqsədi mərhumun səlahiyyət və keyfiyyətlərinin onlara keçməsinə şərait yaratmaqdır. Bundan əlavə bu adətdən digər insanları qorxutmaq üçün də istifadə edirlər.
Hulilər
Huli qəbiləsi kənardan qarşılıqlı əlaqəyə açıq bir cəmiyyətdir və festivallarında hətta kənardan iştiraka da icazə verilir. Bu qarşılıqlı əlaqəyə baxmayaraq, hündür dağlarla əhatə olunmuş yaylalarda yaşayan və müxtəlif bölgələrə səpələnmiş hulilər ilk günkü kimi adət-ənənələrini hələ də qoruyub saxlayırlar.
Klan, sosial aşağı təbəqə kimi qurulan Huli xalqında pariklər xüsusi yer tutur. Qəbilə tərəfindən hazırlanan bu pariklərin hər biri fərdiləşdirilib. Parik düzəltmək üçün orta hesabla 18 ay vaxt lazımdır. Hulilər müharibələrdə də pariklərdən istifadə edirlər.
Karen qəbiləsi
Myanmanın şimalında yaşayan Karenləri, həmçinin Padaungs kimi tanınan, turistik fəaliyyətlərdən və xəbərlərdən tanıyırıq. 5-6 yaşından boyunlarına halqa taxmağa başlayan qadınlar nə qədər çox halqa taxsalar, tayfada bir o qədər status qazanırlar. Boyunlarına 35-ə qədər halqa taxa bilən qadınların əsas məqsədi həm gözəl görünmək, həm də əjdaha kimi güclü olmaqla kəndlərini, ailələrini qorumaqdır. Qadınların taxdıqları halqalar uzanıb incəldiyi üçün ömürlərinin sonuna qədər onu çıxara bilmirlər. Həmişə uzun boyun və üzüklərlə belə yaşamalı olurlar. Əgər həmin halqaları çıxarmağa cəhd etsələr boyunları qırılır. Bu da onların ölümünə səbəb olur.
Munda qəbiləsi
Hindistanın Sundarnbans Milli Parkında vəhşi heyvanlarla birgə yaşayan Munda üzvləri də məskunlaşdıqları yer baxımından bir-birindən xeyli fərqlənirlər. Vəhşi təbiəti qorumaq üçün milli park elan edilən bölgədə şirlərlə ibtidai qəbilə bir yerdə yaşayırlar. Onlar vəhşi heyvanlardan qorunmaq üçün xüsusi maskalar taxırlar. Şirlər hücum edəcəkləri şəxslə göz təması quran kimi diqqət çəkdiklərini anlayır və həmin adama hücum etməyi dayandırıb uzaqlaşırlar. Munda qəbiləsinin üzvləri də arxasında üz olan böyük maskalar taxır və mümkün şir hücumunun qarşısını almağa çalışırlar.
Qeyd edək ki, onların sağ qalmaq üçün başqa şansları yoxdur. Maska taxmayanlar birbaşa şir hücumu nəticəsində ölürlər.
Yanomami qəbiləsi
Amazon meşəsində yaşayan və xarici dünya ilə demək olar ki, heç bir əlaqəsi olmayan yanomamilər dövrümüzün ən primitiv tayfalarındandır. Qəbilə inancına görə, ölən adamın heç bir hissəsi yer üzündə qalmamalıdır. Buna görə də mərhumun yandırılmasından sonra bütün ailə üzvlərinə kül paylanır və hər kəsin külü yeməsi gözlənilir.
Nəzrin Beydiyeva