Türkmənistanda parlament seçkiləri başa çatıb.
APA-nın "RİA Novosti" agentliyinə istinadən verdiyi məlumata görə, Türkmənistan Mərkəzi Komissiyası yerli vaxtla saat 19.00-da Məclisə səsvermə başa çatdığını və bütün seçki məntəqələrinin bağlandığını açıqlayıb.
Türkmənistan qanunvericiliyə əsasən, Mərkəzi Seçki Komissiyası səsvermədən sonra 7 gün ərzində seçkinin nəticələrini açıqlamalıdır. Adətən Türkmənistanda seçkinin nəticələri səsvermədən 2-3 gündən sonra açıqlanır.
***
Türkmənistanda parlament seçkiləri başlayıb.
Bütün ölkə ərazisində səsverməyə yerli vaxtla saat 07:00-da start verilib.
Seçki məntəqələrinin qarşısında folklor və estrada ansanblları dayanıb. Onlar səsverməyə gələnləri mahnı və rəqslə qarşılayırlar.
Ölkə ərazisində 3.2 milyondan çox seçici var. Onların da artıq yarısı 4 saat ərzində səslərini verib.
Qeyd edək ki, 125 yerlik Türkmənistan parlamentinə seçilmək uğrunda 284 nəfər mübarizə aparır.
