Beynəlxalq Cinayət Məhkəməsinin Roma Statutu (Əsasnaməsi) yaxın həftələrdə ratifikasiya olunmaq üçün Ermənistan parlamentinə göndəriləcək.
Ednews xəbər verir ki, bu barədə ədliyyə naziri Qriqor Minasyan jurnalistlərə açıqlamasında danışıb.
Xatırladaq ki, bu il martın 24-də Ermənistan Konstitusiya Məhkəməsi bəyan edib ki, Beynəlxalq Cinayət Məhkəməsinin Roma Statutu ölkə Konstitusiyasına uyğundur və hökumət ratifikasiya prosesini davam etdirə bilər.
Rusiya Xarici İşlər Nazirliyi isə mövzu ilə bağlı bildirib ki, İrəvanın Roma Statutuna qoşulmaq planları Moskvada “tamamilə qəbuledilməz” hesab olunur.
Qeyd edək ki, əgər Ermənistan parlamenti Roma Statutunu qəbul etsə, o zaman Putinin Ermənistana yolu bağlanacaq. Gəldiyi halda isə Paşinyan hakimiyyəti rəsmi olaraq onu həbs edib Haaqa məhkəməsinə təhvil verməlidir.