Türkiyə Silahlı Qüvvələrinin (TSK) Suriyanın Afrin bölgəsində həyata keçirdiyi “Zeytun budağı” əməliyyatında şəhid olan Çavuş Əli Akdoğanın anası Fatma Akdoğan oğlunun istifadə etdiyi əşyalarla xatirə otağı yaradıb.
Ednews türk mediasına istinadən xəbər verir ki, İzmirin Bayraklı mahalının Osmanqazi rayonunda yaşayan Fatma Akdoğan oğlu 2018-ci ildə şəhid olandan sonra xatirələrini otağında nümayiş etdirmək qərarına gəlib.
Ana, şəhid oğlunun körpəlikdə geyindiyi paltarları, təhsil həyatında aldığı hesabat vərəqələri, hərbi əşyaları, hərbi geyimləri, fotoşəkillər və şəxsi əşyalardan ibarət xatirə otağı yaradıb.
Fatma Akdoğan ağrılarının hələ təzə olduğunu, oğlunun yoxluğuna alışa bilmədiyini bildirib.
Oğlunun 2012-ci ildə Ankara və Qarsda hərbi xidmət keçdiyini bildirən Akdoğan, "Həmişə "əsgər olacağam" deyirdi. Münaqişələr olduğu üçün razılaşmadım. Amma o dayana bilmədi və getdi.
Oğlunun şəhid olduğunu bildiyini, lakin bunu qəbul etməkdə çətinlik çəkdiyini bildirən Akdoğan, günlərini xatirə otağında keçirdiyini, hər gün oğlunun məzarını ziyarət etdiyini bildirib.
Akdoğan deyib:
"Otaqda Quran oxuyuram. Oğlumun fotosunu qucaqlayıram, öpürəm, buz kimi daşları iyləyirəm. Hərdən onunla danışıram, şəkildə gülümsəyir, baxmayaraq ki, cavab vermir. Mən belə təsəlli tapıram. Əlinin otağına girirəm, qoxusu tamam başqadır. Hələ də elə bilirəm ki, qapı açılacaq oğlum gələcək. Bəzən telefon zəng çalır, birdən qaçıram. Görəsən Əli gəlib? Amma birdən yadıma düşür ki, o şəhidlik mərtəbəsindədir. Mən həmişə onunla fəxr edirəm."
Oğuz